6 Laboratoriya ishi Mavzu Atom-absorbsion spektrometr yordamida oqova suv tarkibidagi og’ir metallarni aniqlash

Himoyalanish choralari (berkitgichlar, blokirovki)
Asbobning holatini ko’rsatuvchi oynaning (1-rasm) quyi qismidagi “Interlocks” seksiya o’rnatilgan atomizatorning turli himoyalanish choralarining holatini aks ettiradi. Ular sistemani ishlatgan vaqtda operatorning xavfsizligini ta’minlaydi. Himoya choralari yozilgan tugmalar normal holatda yashil rangda, xavfli bo’lgan holatda esa qizil rangda yonadi.


Alanga atomizatorining berkitgichlari
Atomizer Connected: portga 25 kontaktlik aloqa kabelining to’g’ri ulanganligini ko’rsatadi. Bu esa o’z navbatida, asbobga o’rnatilgan atomizatorni dasturiy ta’minlash mumkinligini bildiradi.
Air Flame Head: havo gorelkasining to’g’ri o’rnatilganligini ko’rsatadi. Himoya chorasi oksidlovchi sifatida havo tanlanganda faqat havo gorelkasini ishlatishni talab qiladi. Oksidlovchi sifatida N₂O tanlanganda, N₂O gorelkani ishlatishni talab qiladi (azot oksidi tanlanganda blokirovka “N₂O Flame Head” xabarni aks ettiradi).
Flame Chamber Fits: alanga atomizator asbobning shassisiga to’g’ri o’rnatilganligini ko’rsatadi.
Liquid Trap Filled: gazlarni laboratoriya atmosferasiga chiqib ketmasligining oldini olish uchun atomizator ostidagi gidrozatvorda yetarli miqdorda suv borligini ko’rsatadi.
Oxidant Pressure Ok: oksidlovchi gazning bosimi ruxsat etilgan oraliqda ekanligini ko’rsatadi. Faqat gaz ochiq bo’lganda blokirovka tugmasi yashil rangda bo’ladi.