5-amaliy mashg’ulot

O’qitish metodlarini tanlash. 
O’qitish metodlarini tanlash darsning 
tuzilishi bilan bevosita bog’langan. Har bir dars tuzilmasi uchun alohida metod 
tanlanadi. O’qitish metodlari deganda o’qituvchi va o’quvchilarni ta’lim 
maqsadlarga erishishdagi birgalikdagi va hamkorlikdagi faoliyatidir. Darsning 
mazmuniga ko’ra tanlangan o’qitish metodlariga qo’yiladigan asosiy 
talablaridan biri dars jadvalida o’quvchilarni bilish faoliyatini ta’minlashi lozim. 
Tanlangan o’qitish metodi sinfdagi barcha o’quvchilarni bilish faoliyatini 
jadallashtirishi, geografik bilim va ko’nikmalarni olishga qiziquvchanlikni 
kuchaytirishi lozim. Bunda shuni esdan chiqarmaslik lozimki, o’quvchilarni faol 
bilish faoliyati geografik bilim manbalaridan foydalanish ko’nikmalari 
shakllantirilgandagina ta’minlanadi. Masalan, kartalar, darslik, chizmalar va h.k. 

---

Geografiya darslarida predmetlararo aloqalarni aniqlash. 
Amaliy 
geografiya fani tabiiy va iqtisodiy‐ijtimoiy fanlar tizimiga kirganligi munosabati 
bilan qator predmetlar bilan chambarchas bog’langan. Amaliy geografiya 
predmetining noyob va o’ziga xos ta’limiy va tarbiyaviy vazifasi atrof-muhit 
to’g’risida, xo’jalik va ijtimoiy soha bo’yicha turli xil bilimlarni 
umumlashtirishiga imkon beradi. Amaliy geografiya darslarida tarix, biologiya, 
kimyo, fizika, matematika fanlari bilan aloqalarni aniqlash va asoslab berish 
o’quvchilarni bilish faoliyatini jadallashtiradi. 
Geografiya darslarida o’lkashunoslik tamoyillariga amal qilish. 
Amaliy 
geografiya fani tabiat va jamiyat haqidagi bilimlarni bergani uchun unda 
o’lkashunoslik tamoyillaridan foydalanishni katta imkoniyatlari mavjud. 
Geografiya predmetlaridagi deyarli barcha mavzularni o’lkashunoslik 
tamoyillaridan foydalanib o’rganish mumkin. Relyef mavzusini hududdagi 
relyef shakllari orqali tushuntirish mumkin, gidrosfera mavzusini atrofdagi suv 
obyektlari misolida, qishloq xo’jaligi yoki sanoatni o’zi yashayotgan joyi 
misolida o’tish mumkin. Mazkur tamoyilni qo’llash geografik bilimlarni oson va 
tez o’zlashtirilishiga hamda o’quvchilarni o’z vataniga va yashab turgan joyiga 
mexr-muxabbat ruhida tarbiyalashga yordam beradi.