5-amaliy mashg’ulot

O’quvchilar bilimini tekshirish va baholash. 
Amaliy geografiya 
darslarining eng asosiy qismlaridan biri hisoblanadi. Mazkur qism yangi darsni 
o’tish uchun asos bo’lib hisoblanadi. Darsda asosiy materialni o’zlashtirish 
darajasi tekshiriladi. Olingan bilimlarni o’xshash va yangi o’quv sharoitida 
qo’llash tekshiriladi. Bunday bilimlarga dunyoqarash g’oyalari, nazariy bilimlar 
(umumiy tushunchalar, tamoyillar, aloqalar, qonuniyatlar), dalillar va o’quv 
ishlari usullari kiradi. Bilimlarni tekshirishning mazmuni mazkur bo’limni yoki 
kursni o’qitishni yakuniy natijalariga mos kelishi lozim. Ular dasturlarda 
berilgan bo’ladi. O’quvchilar bilimi va ko’nikmalarini tekshirish uchun turli xil 
usullar qo’llaniladi. O’quvchilarni bilim va malakalarini ma’lum bir mavzu 
bo’yicha tekshirish uchun o’qituvchi svollarni yoki tarqatma materiallarni 
oldindan tayyorlab qo’ymog’i lozim. 
Yangi mavzuni o’rganish. 
Deyarli barcha darslarda yangi mavzuni o’tish 
qismi albatta bo’ladi. Yangi mavzuni o’tishda yangi bilimlar, ko’nikma va 
malakalar shakllantiriladi. Darsga ajratilgan vaqtning katta qism yangi mavzuni 

---

o’rganishga sarflanadi. Yangi mavzuni mazmuni va hajmi o’quv dasturlarida 
berilgan bo’ladi, darsliklarda esa ular aniqlashtiriladi. Dastur o’qituvchi uchun 
asosiy vosita bo’lib hisoblanadi. Yangi darsning mazmuni o’qituvchi tomonidan 
tanlab olinadi. Bunda mavzu bo’lim yoki butun kursni o’quv maqsadlaridan 
kelib chiqdi. O’qituvchi uchun dasturda yangi materialni o’tish uchun asosiy va 
qo’shimcha materiallar tizimi beriladi. Qo’shimcha materiallarga turli xil daliliy 
ma’lumotlar kiradi. Ular mavzuni asosiy mazmunini ochib berishga xizmat 
qiladi. Yangi mavzuni o’rganish natijasida o’quvchilarni bilimi kengayadi va 
chuqurlashadi, o’rganilayotgan voqea va hodisalarni mohiyati ochib beriladi. 
Geografik bilimlar va ko’nikmalarni amaliy tomonlari ko’rsatiladi. Yangi 
mavzuni o’rganish ilgari olingan bilimlarga tayangan holda amalga oshiriladi. 
Demak, xar bir mavzuni o’rganayotganda predmetlararo va ichki predmetlararo 
aloqalar ochib beriladi.