5-amaliy mashg’ulot

Darsning ta’limiy va tarbiyaviy maqsadlarini ishlab chiqish. 
Geografiya 
darslarini ta’limiy va tarbiyaviy maqsadlarini to’g’ri va aniq ishlab chiqish 
darsni samaradorligini belgilab beradi. Dastlab darsni ta’limiy maqsadlari ishlab 
chiqiladi. Buning uchun: geografik borliq, voqea va hodisalar haqida 
tasavvurlar, ilmiy tushunchalar, tamoillar, qonuniyatlar shakllantiriladi; asosiy 
ilmiy ma’lumotlar va bilimlar takrorlanadi va mustahkamlanadi; geografik 
ko’nikma va malakalarni o’zlashtirish ta’minlanadi va takomillashtiriladi; 
umumiy ko’nikmalarni shakllantirish davom ettiriladi (javoblarni rejalashtirish, 
darslik bilan ishlash, qo’shimcha adabiyotlar bilan ishlash va h.k.); dunyoqarash, 
g’oyaviy‐siyosiy, axloqiy va kasbga yo’naltirilgan bilimlarni o’zlashtirish; 

---

mehnat va estetik tarbiya berish; o’quvchilarni tafakkurini, qiziquvchanligini 
rivojlantirish. 
Geografiya darslari aniq tarbiyaviy maqsadga yo’naltirilgan bo’lmog’i lozim. 
Bu esa o’quvchilarni vatanparvarlik, aqliy, g’oyaviy‐siyosiy jihatdan 
tarbiyalashga imkon beradi. Geografiya darslari olamning yaxlitligi g’oyasini 
shaklantirishga, geografik voqea va hodisalar hamda xo’jalik faoliyati orasidagi 
sabab va oqibatlarni ochishga yo’naltiradi. Darsning tarbiyaviy vazifalariga 
Vatanimizni 
mustaqillik davrida rivojlanishini o’rganish, mustaqil 
mamlakatimizning erishgan yutuqlarini bo’rttirib ko’rsatish, fan, madaniyat va 
sport sohasidagi yutuqlarimiz ruhida tarbiyalash katta samara beradi.
Darsning aniq vazifalari undan oldinga va keyingi darslarni maqsadlari bilan 
bog’langan bo’lmog’i lozim. Darsni maqsadi va vazifalariga misollar keltiramiz. 
“O’rta Osiyoning relyefi va foydali qazilmalari” mavzusida quyidagi vazifalarni 
ko’rish mumkin: yirik relief shakllarini joylashish xususiyatlari va sabablarini 
ochib berish; yirik relyef shakllari haqida bilimlarni kengaytirish; cho’l relyef 
shakllarini hosil bo’lishida shamolni o’rni va ahamiyatini ochib berish; relyefni 
hosil bo’lishida va rivojlanishida ichki va tashqi kuchlarni o’zaro ta’siri 
g’oyasini yanada rivojlantirish; O’rta Osiyo foydali qazilma konlarini 
joylashishini o’rganish va ularni hosil bo’lishini yer po’sti tuzilishi bilan 
bog’liqligini ochib berish; karta asosida relyefga tavsif berish ko’nikmalarini 
shakllantirishni davom ettirish (Dushina, 1985).