5 – ma’ruza mashg‘uloti texnologik modeli axborotlashgan jamiyatda yoshlarda ma’naviy madaniyatni shakllantirish mavzu

Nazorat savollari:

1. 
   Bugungi kunda yoshlarning internetdan foydalanish darajasi qanday?
   
2. 
   Internetdan foydalanishning ijobiy va salbiy tomonlari?
   
3. 
   Yoshlarni ma’anaviy tahdidlardan asrashda pedagogning olib boradigan ishlari nimalardan iborat?
   

Tayanch tushunchalar:

Axborot – iste’mol uchun tayyorlangan tevarak-atrof (manbalar)dan olingan ma’lumotlar axborot deb ataladi.Axborot voqea va hodisalar haqidagi iste’moldagi ma’lumotlarni beradi. Hodisa va voqealar mazmun-mohiyatini ochib beradi.

Axborot jamiyati – bu ko‘pchilik ishlovchilarning (axborotlar bilan shug‘ullanuvchi kishilarning) axborot, ayniqsa, uning oliy shakli bo‘lmish bilimlarni ishlab chiqarish, saqlash, qayta ishlash va amalga oshirish bilan band bo‘lgan jamiyatdir. Axborot jamiyati ta’rifidan ko‘rinib turibdiki, bu sohadagi ishlar rivoji bevosita ta’lim-tarbiya va ilmiy muassasalardagi olimlar, mutaxassislar ijodiy mehnati bilan bog‘liqdir. Bularni yangi o‘quv adabiyotlarisiz va o‘qitishning innovatsion texnologiyalarisiz, jumladan, axborot texnologiyalarisiz tasavvur etib ham bo‘lmaydi. Axborot jamiyatida nafaqat ishlab chiqarish, balki butun turmush tarzi va qadriyatlar tizimi ham o‘zgaradi. Bu jamiyatda intellekt, bilimlar ishlab chiqiladi va iste’molga kiritiladi, natijada muntazam ravishda aqliy mehnat bilan shug‘ullanishga olib keladi.