4-mavzu. “Tarbiya” fanidan sinfdan tashqari ish usullari. (2 soat) Maqsad

Kitobxonlar konferensiyasi
O‘qituvchi so‘zi: Aziz o‘quvchilar! Sizlar bilan bugun shoira “Zulfiya” ijodiga to‘xtalamiz. Zulfiya shaxsini mamlakatimizdagi va dunyodagi ahamiyatini inobatga olib, bugungi tadbir noan’anaviy, ya’ni konferensiya tarzida o‘tkaziladi. Tadbir davomida siz Zulfiya haqidagi bilimlaringizni boyitish bilan birga yangi ma’lumotlarga ega bo‘lasiz.
Boshlovchi: Muhtaram xonimlar va janoblar!
Shoira Zulfiya tavalludining 107 yilligi munosabati bilan o‘tkaziladigan “Zulfiya-bahor kuychisi” mavzuidagi konferensiyamizga xush kelibsiz!
Bugungi konferensiyada O‘zbekiston Respublikasida xizmat ko‘rsatgan madaniyat xodimi, taniqli adabiyotshunos olima Qutlibeka Rahimboyeva hamda “Zulfiya” nomidagi Davlat mukofoti San’at yo‘nalishi sovrindori Madina Ma’mirova, __________ tumanidagi __-sonli umumiy o‘rta ta’lim maktabining o‘quvchilari qatnashyaptilar.
Kun tartibidagi masala bo‘yicha taqdimotni namoyish etamiz.
(Zulfiya hayoti va ijodi haqida taqdimot namoyish etiladi)
Boshlovchi: Navbat shoira Zulfiya shogirdlariga. Ular ustozlari haqidagi xotiralari va taassurotlari bilan o‘rtoqlashadilar.
1. Qutlibeka Rahimboyeva: Jannatmakon ustozimiz Zulfiyaxonim, tom ma’noda ulkan shaxs edi. Biz shogirdlari uchun hech qachon odatiy, oddiy odamga aylanib qolmasdilar. Har safar huzurlariga borganimizda xuddi imtihonga, sinovga borayotgandek hayajon bilan borardik. Zulfiya opam bilan suhbatlashish juda maroqli edi. Shaxsan men opaning shbatlaridan so‘ng ijodga ishtiyoq bilan chiqardim. Chunki u kishi ba’zi ayollar davrasiga xos mayda gaplardan gapirmas, adabiyot maydonida nima gaplar, yoshlar nima yozyapti – shu mavzular atrofida gap-so‘zlarga qiziqar edi.
2. Madina Ma’mirova: Men shoira Zulfiya ijodiga yoshligimdan qiziqqanman. Ayniqsa, shoiraning bahor haiqdagi she’rlari menga juda yoqadi. Hozir sizlarga ulardan birini aytib bermoqchiman.
(She’r o‘qiydi)
Men sizlar bilan bir viloyatdanman. San’at yo‘nalishi bo‘yicha “Zulfiya” nomidagi Davlat mukofoti sovrindori bo‘lganman.
(Maktab o‘quvchilarining badiiy chiqishlari namoyish etiladi)
Boshlovchi: Muhtaram qatnashuvchilar! Ma’ruzalar tugadi. Endi savol-javoblarga o‘tsak bo‘ladi. Yuqorida aytib o‘tganimdek, konferensiyamizda shoira Zulfiyaning shogirdlari, izdoshlari ishtirok etishyapti. Marhamat, savollar bilan murojaat qilishingiz mumkin.