4-Мавзу. Ислом таълимоти асослари

Ислом динининг муқаддас манбалари

4.3.1-Чизма

1. 
   Қуръони карим – ислом динининг муқаддас китоби, 30 пора (қисм), 114 сура, 6236 оят, 77439 калима, 325743 ҳарфдан иборат тўплам.
   
2. 
   Ҳадис (араб, ҳикоя, хабар) – бу Муҳаммад (с.а.в.)нинг айтган сўзлари, қилган ишлари, кўрсатмалари тўпламидир. Уни Суннат (Йўл) ҳам дейилади.
   
3. 
   Ижмоъ – Қуръон ва Ҳадисда аниқ кўрсатма берилмаган ҳуқуқий масалаларни ҳал этишда фақиҳ ва мужтаҳидларнинг тўпланиб, ягона фикрга келган ҳолда ҳукм чиқариши, яъни фатво беришидир.
   
4. 
   Қиёс – Қуръон, Ҳадис (Суннат) ва Ижмоъда бирор ҳуқуқий масалага аниқ жавоб топилмаганида, уни шунга ўхшаш масалага таққослаш йўли билан ҳукм чиқаришдир.
   

1. 
   Қуръон (арабча қироат, ўқиш) – Ислом динининг муқаддас китоби. Унинг мазмуни Аллоҳнинг осмондан ваҳий қилинган сўзи деб тушунилади. Бу китоб 30 пора (қисм), 114 сура, 6236 оят, 77439 калима, 325743 ҳарфдан иборат тўплам. Қуръони карим макавий ва мадинавий сураларга бўлинади. Қуръони каримнинг 86 сура, 4613 оят Маккада 610-622 йилларда, 28 сура, 1623 оят Мадинада 622-632 йилларда нозил қилинган. Қуръони каримда аввалги замондаги пайғамбарлар ҳаётидан иборат ва сабоқлар келтирилиб, одамлар тавҳидга (яккахудоликка) чақирилади. Қуръони карим оятларини ўз вақтида ёзиб бориш учун Муҳаммад (с.а.в.) ўзларига 4 котиб (Али ибн Абу Толиб, Муовия ибн Абу Суфён, Убай ибн Каъб, Зайд ибн Собитларни тайин этганлар. Қуръони каримнинг мусҳафи Усмоний нусхаларидан бири Тошкент шаҳридаги Ҳазрати Имом Мажмуаси музейида сақланиб келмоқда.
   

Қ

Ўз вақтида Соҳибқирон Амир Темур бобомиз юртимизга олиб келган муқаддас Қуръни каримнинг Усмон нусхаси мазкур музейнинг (Ҳазрати Имом масжиди) марказида нур сочиб, бутун зални чароғон этиб туради.