4-Мавзу. Ислом таълимоти асослари

Аслий каромат қуйидаги оятда ифодасини топган: “Дарҳақиқат, (биз) Одам фарзандларини (азиз ва) мукаррам қилдик ва уларни қуруқлик ва денгизга (от-улов ва кемаларга) миндириб қўйдик ҳамда уларга пок нарсаларни ризқ бердик ва уларни Ўзимиз яратган кўп жонзотлардан афзал қилиб қўйдик” (“Исро” сураси, 70-оят). Ушбу каромат мўмин бўлсин, кофир бўлсин, башариятнинг ҳамма аъзолари учун умумийдир.

Касбий каромат қуйидаги оятда ифодасини топган: “Эй, инсонлар! Дарҳақиқат, Биз сизларни бир эркак (Одам) ва бир аёл (Ҳавво)дан яратдик ҳамда бир-бирларингиз билан танишингиз учун сизларни (турли-туман) халқлар ва қабила (элат)лар қилиб қўйдик. Албатта, Аллоҳ наздида (энг азизу) мукаррамроғингиз тақводорроғингиздир. Албатта, Аллоҳ билувчи ва хабардор зотдир” (“Ҳужурот” сураси, 13-оят). Бу каромат тақводор мўминда ҳосил бўлади. Одатдан ташқари ишларга каромат дейиш мажозийдир. Чунки Аллоҳ таоло ўша ишларни тақводор мўминнинг икроми учун унинг томонидан содир этади. Кароматнинг зоҳир бўлишидаги ҳикмат: каромат содир бўлганидан сўнг валийнинг ишончи яна ҳам зиёда бўлиб, дунёдаги зуҳди тақвоси кучайиб, ҳавойи нафс давоси йўқолишидир.





Ҳадислардан намуналар
Гарчи Хитойда бўлса ҳам, илмга интилинглар, чунки илм талаб қилишга ҳаракат қилиш ҳар бир муслим ва муслималар учун фарздир.
Илмни ёзиб қўйиш билан боғлаб олинглар.

1^. Форобий. Фозилодамларшаҳри. – Т.: “Янги аср авлоди”, 2016.- 261-бет.

2^Ислом. Энциклопедия. – Т.: “Ўзбек миллий энциклопедияси” Давлат илмий нашриёти, 2017. – 218 – бет.