3-mavzu. İlmiy tadqiqotning namayon bo’lish jihatlari va shakllari. Reja

Sistemali yondashuv – umumilmiy bilimning tarmoqlangan sohasi bo’lib, uning predmetiga redukciya, yaxlitlik va kontrredukciyaning metodologik muammolari ham kiradi. Bu o’rinda shuni qayd etib o’tish kerakki, redukciya, yaxlitlik va kontrredukciya tamoyillari ayni bir ob`ektni har xil darajada ko’rish imkonini beradi. Bunda aniqlangan xossalarga, agar ob`ekt rivojlanayotgan Olamning yagona tizimiga qo’shilgan yaxlitlik sifatida to’liq tavsiflangan bo’lsa, to’ldiruvchanlik tamoyili nuqtai nazaridan qarash lozim.
Modellashtirish tamoyili va o’xshatish metodi – ob`ektlarning ba`zi bir xossalarini ularga o’xshagan moddiy yoki nomoddiy (konceptual tushunchaga asoslangan, mantiqiy-matematik) konstrukciyalarni tadqiq qilish orqali bilish mumkinligiga asoslanadi. Mohiyat-e`tibori bilan bu qiyosiy bilish yo’lidir. «Qiyoslash», «o’xshatish», «modelь» tushunchalari metodologik nuqtai nazardan ko’p jihatdan o’xshashdir. Shu munosabat bilan modellashtirish (qiyosiy bilish) tamoyilini tushunishni engillashtirish uchun İ. Kantning quyidagi so’zlarini keltirish o’rinli bo’ladi: «...Qiyosiy bilish ...ikki narsaning nomukammal o’xshashligini emas, balki ikki mutlaqo o’xshash bo’lmagan narsalar o’rtasidagi ikki munosabatning mutlaq o’xshashligini anglatadi»<sup>43</sup>.
Mantiqdan ma`lumki, qiyosiy dalillar eng kuchsiz dalillardan biridir. Shuningdek muvofiq modelni yoki tadqiq qilinayotgan ob`ektga muvofiq keladigan o’xshash ob`ektni tanlash muammolari ham mavjud. Bunday muammolarni, jumladan, yangi ilmiy bilimning shakllanish tarixidagi quyidagi epizodlar bilan tushuntirish mumkin: «Kimyoviy birikmalarning tarkibi yuzasidan Prust bilan Bertolle o’rtasidagi bahs fan tarixida noto’g’ri qiyosiy xulosalar chiqarish zaminida tug’ilgan munozaralarga yorqin misol bo’ladi. Prust karrali og’irlik nisbatlarining aniq namoyon bo’lishi holatlarini umumlashtirib, kimyoviy birikmalar tarkibining ma`lumligi to’g’risida xulosa chiqardi. Bunda u tarkibining ma`lumligi deyarli sezilmaydigan nisbatan murakkab kimyoviy birikmalarga tayandi. Bertolle esa tarkibning noma`lumligi g’oyasini himoya qildi. Ularning har biri o’z sohasida o’zicha haq edi. Ammo bahs ikki olim bir-birining sohasiga aralashishi natijasida tug’ildi. Prust o’sha davrda (XIX asrning dastlabki o’n yilliklarida) kuchayib borayotgan nisbatan umumiy atomistik ta`limotga tayanganligi uchun mazkur bahsda yutib chiqdi. XX asrning boshida, issiqlik nurlanishi nazariyasidagi to’lqinli va korpuskulyar manzaralarning qarama-qarshiligi esa mutlaqo teskari xotima topdi. Bunga ham nisbatan umumiy koncepciya–materiyaning korpuskulyar-to’lqinli dualizmi koncepciyasi mavjudligi sabab bo’ldi»⁴⁴.
Paradigmalarni engish qoidasi - ilmiy hamjamiyatda yuzaga kelgan paradigmalar (namunalar, andozalar, stereotip, sxema, dogma, talqin va fikrlash uslublari)ni engish qoidasi–ilmiy bilish faoliyatini mutlaqo yangini kashf etish yo’liga solishning hamda shakllangan koncepciyalar negizida yaratilgan yangi g’oyani qabul qilishning muhim omili.
Tafakkurning turg’unligi hamda ilmiy hamjamiyatda yuzaga kelgan «paradigmalar» munosabati bilan barcha yangi g’oyalarni inkor etish muammolari T. Kunning «İlmiy inqiloblar tuzilishi» asarida mufassal ko’rib chiqilgan.
Tarixiylik tamoyili – ob`ektni kelib chiqishi va rivojlanishiga bog’lab, uni mufassal o’rganish mumkin. Mazkur tamoyilning shakllanishi va mohiyati to’g’risida maxsus bo’limda so’z yuritiladi.