3-labaratoriya ishi. Oqsillarga xos rangli reaksiyalar

10- ish. Oqsil tarkibidagi triptofanning oksimetilfurfurol bilan 
reaksiyasi 
Oqsil tarkibida triptofan aminokislotasi borligini uning oksimetilfurfurol bilan 
o‘tkaziladigan reaksiyasidan foydalanish mumkin. Reaksiya oqsil sulfat kislotasi bilan 
ta’sirlanish orqali gidrolizlanish reaksiyasiga asoslangan bo‘lib, bunda oqsilning 
gidrolizidan triptofanning ajralishi yuz bersa, saxarozaning gidrolizlanishidan glukoza va 
fruktoza hosil bo‘ladi. Kimyoviy jarayonning davom etishi tufayli fruktoza ham oksidlanib 
oksimetilfurfurolga aylanadi va bu modda o‘z navbatida triptofan bilan ta’sirlanib, ularning 
kondensatsiyalanish mahsulotini hosil qiladi. 
Kerakli biomaterialar:
tuxum oqsili, 1% li jelatina eritmasi, sut oqsili eritmasi. 
Kerakli jihozlar: 
Shtativ, probirkalar, pipetkalar. 
Kerakli reaktivlar:
10 % li saxaroza,konsentrlangan sulfat kislota
. 
Ishni bajarish tartibi.
3 ta probirka olib birinchisiga tuxum oqsilidan 

---

5 tomchi, ikkinchisiga jelatina eritmasidan 5 tomchi, uchinchisiga sut oqsilidan 5 tomchi 
tomiziladi. So‘ng probirkalarning hammasiga 3 tomchidan 10 % li saxaroza eritmasi 
qo‘shiladi. Probirkalarning har biriga ularning devori bo‘ylab 2 tomchidan konsentrlangan 
sulfat kislota tomiziladi. Birinchi va uchinchi probirkalarning suyuqliklari tutashgan joyda 
qizil rang paydo bo‘ladi. Ikkinchi probirkadagi jelatina tarkibida triptofan aminokislotasi 
yo‘qligi sababli bunday rang paydo bo‘lmaydi.