3 боб акушерлик қон кетишлари

Йўлдошнинг туғруқ йўлига тушиб қолиши асоратларига қуйидагилар киради:

1. 
   йўлдошнинг бачадоннинг чуқур қатламларига ўсиб кириши (зич бирикиш ёки ҳақиқий сингиб кетиши)
   
2. 
   бачадон атонияси
   
3. 
   септик асоратлар
   
4. 
   геморрагик шок
   
5. 
   ДВС синдроми
   

Йўлдошнинг бачадоннинг чуқур қатламларига ёпишиб қолиши бачадон деворига бирикишнинг шундай шаклики, бунда хорина туклари эндометриянинг базаль қатламига ўсиб киради ва бевосита мушак қатламига ёпишиб қолади (зич ёпишиш – placenta adhaerens) ва баъзан унинг этига сингиб кетади (ҳақиқий ёпишиб қолиш –placenta accreta) (4-расм). Йўлдошнинг ёпишиб қолиши йўлдошнинг туғруқ йўлига тушиб қолиши аномалияларига киради.
4 -расм. Йўлдошнинг бачадоннинг паст сегментига ёпишиб қолиши


Йўлдошнинг ҳақиқий ёпишиб қолиши турлари (5-расм):

1. 
   Рlacenta accreta–йўлдошнинг ёпишиб қолиши тури, бунда хорион туклари миометрияларгача етиб боради, унинг юзасига тегиб туради, аммо унга ўсиб кирмайди
   
2. 
   Рlacenta increta–йўлдошнинг ёпишиб қолиши тури, бунда хорион туклари миометрияларнинг турли чуқурлигига сингиб кетади
   
3. 
   Рlacenta percreta–йўлдошнинг ёпишиб қолиши тури, хорион тукларининг миометриялардан ўтиб, параметриягача ёки қорин пардасигача еиб боради.
   

5-расм. Йўлдошнинг ҳақиқий ёпишиб қолиши турлари

Йўлдошнинг ёпишиб қолиши, шу жумладан, зич ёпишиб қолиш ва ҳақиқий сингиб кетиши, тўлиқ ёки қисман бўлиши мумкин.

Йўлдош тўлиқ сингиб кетганда бутун йўлдош бачадон деворининг чуқур қатламларига ўсиб киради. Бу ҳолда ҳомила туғилганидан сўнг қон кетмайди, чунки йўлдош бутун юзаси билан бачадон деворига сингиб кетган.

Йўлдош қисман ёпишиб қолганда унинг бир қисми бачадон деворига чуқур сингиб кетади, йўлдошнинг бошқа қисми эса сингиб кетмайди, балки одатдаги ҳомиладорликда бўлгани каби, бачадон деворига ўрнашади. Бундай ҳолларда, туғруқдан сўнг, йўлдошнинг нормал ёпишган қисми бачадон деворидан ажралади ва қон кета бошлайди. Йўлдошнинг бачадон деворига сингиб кетган қисми йўлдошнинг ажралиши ва чиқиб кетишига тўсқинлик қилади. Қон кетиши йўлдош бачадондан тўлиқ олиб таланмагунча давом этади. Бунинг учун йўлдошни қўл билан ажратиб олиш ва йўлдошни ажратиб олиш деб аталадиган тадбир бажарилади. Уни шифокор бажаради.