3 боб акушерлик қон кетишлари

ЙНЖ диагностикаси усуллари

Йўлдошнинг туғруқ йўлига тушиб қолишиодатда УТТ орқали аниқланади. Трансабдоминал датчикка нисбатан вагинал датчик билан текшириш ишонарлироқ, айни пайтда ҳар икки усул бирдек хавфсиз. УЗИ-скрининг 20-22 ҳафталик муддатда ўтказилади, бунда албатта йўлдошнинг локализацияси аниқланади, яъни ҳомиладорликнинг 2-нчи ярмида йўлдошнинг туғруқ йўлига тушиб қолиши ташхиси қўйилиши мумкин ва зарур.

Агарда ҳомиладорликнинг 20 ҳафтасида йўлдошнинг пастки чети ички оғиздан ≥1 см масофада жойлашган бўлса, йўлдош жойлашувини аниқлаштириш учун яна УЗИ қилиш талаб қилинмайди, чунки хавф катта эмас.
ЙНЖ тўлиқ ва тўлиқ бўлмаган ҳолларда (тўлиқ ва нотўлиқ) ва УТТ қўшимча кўрсатмалари мавжуд бўлмаса, УТТ ни ҳар 4 ҳафтада такрорлаш керак.
ЙНЖ ва анамнезда кесар кесими бўлган ҳолда йўлдошнинг бачадон деворига ёпишиб қолганлигини истисно қилиш учун бачадоннинг қуйи сегментида допплерометрия ўтказиш керак.
ЙНЖ га шубҳа бўлган тақдирда вагинал кўрикдан ўтказиш хавфли чора ҳисобланади: агарда қинга ва бачадон бўйнига тиқилган бармоқлар билан йўлдош тўқимасига зарар етказилса, профуз қон кетиши бошланади, чунки йўлдош – бу аслида катта миқдордаги қон томирларининг зич ўрамидир.
Ҳомиладорликнинг иккинчи ярмидаги ҳар қандай қон кетиши пайтида, шу жумладан йўлдошнинг нотўғри жойлашувида қиндаги текширув фақат тайёр ҳолатдаги операция хонасида бажарилади:

1. 
   бачадон бўйнини кўзгуларда кўриш. Агарда бўйин қисман очилган бўлиб, йўлдош тўқимаси кўринса, йўлдошнинг туғруқ йўлига тушиб қолиши ташхиси аниқ бўлади
   
2. 
   агарда бачадон бўйни ёпиқ бўлса, қин деворларини эҳтиёткорлик билан пайпасланг. Агарда қинда губкасимон тўқима борлиги аниқланса, йўлдош нотўғри жойлашгани ташхиси тасдиқланади, агарда ҳомиланинг қаттиқ боши сезилса, йўлдош нотўғри жойлашгани истисно қилинади
   
3. 
   агарда бачадон бўйни кўзгуларда кўрилганидан сўнг йўлдош нотўғри жойлашгани ташхиси аввалгидек шубҳа уйғотса, эҳтиёткорлик билан цервикал канални бармоқлар билан текшириб кўриш керак.
   

4.