3 боб акушерлик қон кетишлари

Туғруқдан кейинги қон кетишларини даволаш

Туғруқдан кейинги қон кетиши 500 мл ёки ундан кўп бўлса, ТҚК га қарши кураш бўйича протокол йўл-йўриқларини аниқ ва қадам бақадам бажариш керак.

ТҚК га қарши кураш бўйича протокол йўл-йўриқлари тўғри ва ўз вақтида бажарилса, бу аёлнинг яшаб қолиш имкониятиги жиддий равишда оширади. Қадамлардан биронтаси бажарилмаган ёки кечикиб бажарилган бўлса аёлнинг қон кетишидан вафот этиши хавфи жиддий равишда ортади.


ТҚК ни юритиш бўйича стандарт протокол элементлари:

1. 
   ТҚК диагностикаси
   
2. 
   Умумий универсал тадбирлар
   
3. 
   Жамоада логистика ва коммуникация
   
4. 
   Дастлабки баҳо ва асосий терапия
   
5. 
   Гемостатик аралашувлар
   
6. 
   Ўрнини босувчи терапия
   

Протоколнинг барча санаб ўтилган қадамлари мультидисциплинар жамоа аъолари томонидан бир пайтда бажарилиши керак.


ТҚ диагностикаси
ТҚК диагностикаси қон кетишининг ўзини аниқлаш билан бирга, йўқотилган қон ҳажмини баҳолашни кўзда тутиши керак.
ТҚК ўз вақтида диагностика қилиш учун туғруқдан сўнг аёлни муттасил кузатиш зарур, ва бу биринчи навбатда бачадон тонусига тегишли:

1. 
   дастлабки 2 соат давомида ҳар 15 дақиқада
   
2. 
   кейинги 2 соат давомида ҳар 30 дақиқада
   
3. 
   кейинги 4 соат давомида ҳар соатда
   
4. 
   16 соат давомида ҳар 4 соатда
   

Туғруқдан кейинги қон йўқотилишини баҳолашнинг 2 та усули мавжуд: миқдорга оид ва клиник.


Қон йўқотилишини миқдор баҳолаш. Одатда қон йўқотилиши туғруқдан кейин кўриб баҳоланади. Туғруқни юритаётган тиббиёт ходими, қон йўқотилиши ҳажмини кўриб баҳолайди, аммо кўпинча қон йўқотилишининг ҳақиқий ҳажми визуал баҳодан кўп бўлади. Қон йўқотилиши ҳажмини кўриб баҳолашда хато йўқотилган ҳажмга етарли баҳо бермасликка томон 50% ни ташкил этади.
Шу сабабли қон йўқотилишини баҳолаш учун нафақат кўриш орқали, балки ўлчамли идишларга қонни тўплаш (1-расм) ва қон йўқотилишини клиник ўзгаришлар маълумотларига кўра баҳолаш ҳам муҳим аҳамиятга эга (масалан, пульс, АБ ва б. кўрсаткичларга кўра).

1 -расм. Қон кетиши ҳажмини аниқлаш учун мўлжалланган градусларга бўлинган контейнерлар