3 боб акушерлик қон кетишлари

ТҚК профилактикаси усуллари

Бугунги кунда туғруқнинг 3-чи даврини фаол юритиш ТҚК профилактикасининг исботланган усули ҳисобланади.

Фаол юритишнинг моҳияти шундан иборатки, бола туғилганидан сўнг йўлдош бачадондан киндикдан тортиш ва бачадонни қарама қарши томонга чўзиш орқали олиб ташланади. Бу ҳолатда туғруқнинг 3 чи даври давомийлиги сезиларли равишда қисқаради, бачадон анча тезроқ қисқаради ва туғруқдан кейинги қон кетиши ҳам камаяди.
Туғруқнинг учинчи даврини фаол юритиш босқичлари:


I. Утеротониклар юбориш:

1. 
   Бола туғилишидан олдин ҳомила туғилгандан кейинги бир дақиқа давомида фойдаланиш учун юбориладиган утеротоник препаратларни тайёрлаб қўйинг:
   

- окситоцин 10 Ед, ёки
- мизопростол200 мкг дан 3 таблетка (жами 600 мкг), ёки
- эргометрин 1,0 мл (0,2 мг)
Бола туғилганидан кейинги бир дақиқа давомида яна битта бола йўқлигига ишонч ҳосил қилиш мақсадида қоринни пайпаслаб кўринг ва мушак ораси (иложи борича сон)га 10 грамм окситоцин юборинг.
Окситоцин туғруқнинг 3 чи даврини фаол олиб боришда танлов препарати ҳисобланиб, уни 25°С ёки ундан паст ҳароратда сақлаш лозим. Эргометрин иссиқлик ва ёруғликка таъсирчанроқ бўлиб, йўлдош тушмаслиги хатарини оширади. Уни юқори қон босимига эга аёлларда қўллаш мумкин эмас. Баъзи аёлларда эргометрин фойдаланганда кўнгил айнаши, қусиш ёки қон босимининг ортиши каби ножўя таъсирлар кузатилиши мумкин. Шунинг учун, окситоцин ёки мизопростол бор бўлса,ТҚК профилактикасида эргометриндан фойдаланмаган маъқул.


II. Киндикни кесиш:

1. 
   Киндикни туғруқдан сўнг бир дақиқадан уч дақиқа оралиғида кесинг (мўлжал – киндик пульсациясининг тўхтатиши), бунда она ва бола ўзларини яхши ҳис этиши керак. Агарда онада кучли қон кетаётган бўлса ёки бола ёмон нафас олса, киндикни аввалроқ кесинг ва ёрдамга чақиринг.
   
2. 
   Киндикни қисқич билан ушланг ва уни кесинг: бунда биринчи қисқич бола қорнидан икки бармоқ қалинлигида қўйилади, иккинчи қисқич эса
   

1. 
   бола қоринидан беш бармоқ қалинликда қўйилади.
   

3. 
   Туғруқдан аввал иккита қўлқоп тақинг, биттаси киндик кесилишидан аввал ечиб қўйилади, чунки киндик инфекцияси олдини олиш учун тозалик муҳим аҳамиятга эга.
   
4. 
   Киндикни кесишда манипуляция соҳасини дока боғлам билан ёпиб, юзни қон сачрашидан ҳимоялаш зарур.