3-амалий маш ғулот: тана ҳарорати, пульс, артериал босим ва нафас олишни аниқлаш. ҚОн айланишига таъсир этиш чоралари

Ханталмалар (горчичник)
чалғитувчи восита сифатида ишлатилади. Улар қон 
томирларини кенгайтириб, қон тўпланишига сабаб бўлади. Хантал қўйилган жойда 
оғриқ камайиши билан бирга яллиғланиш жараёни ҳам йўқолади. Ханталмалар нафас 
йўллари шамоллаганда, бронхит, бронхопневмонияда орқага қўйилади. Тери 
яллиғланганда, тери касалликларида ханталма қўйиш мумкин эмас. Ханталмалар тайёр 
ҳолда дорихоналарда сотилади. Уларни ишлатишдан олдин яроқли ёки яроқсиз 
эканлигини билиш керак. Яроқли ханталмалар намланган вақтида горчица мойининг ўзига 
хос ҳиди келиб туради. Ханталмаларни қуруқ жойда сақлаш лозим. Ханталма қўйишдан 
олдин 40° ли иссиқ сувда ҳўлланади ва қўйилгандан кейин 10-15 минутга қолдирилади. 
Ханталмаларни уйда тайёрлаш ҳам мумкин. Бунинг учун горчица (хантал) порошогидан 
олиб, тенг миқдорда буғдой ёки картошка уни билан аралаштирилади, бир оз илиқ сув 
солиб бўтқа ҳосил қилинади. Тайёрланган аралашмани тўрт бурчакли газламанинг бир 
бурчагидан бошлаб қалинлиги 0,25-0,5 см қилиб суртилади, усти газламанинг иккинчи 
бўлаги билан беркитилади. Ханталмалар қўйилган жойлар қизаради ва бемор бадани 
қизиётганини сезади. Беморлар териси нозик, юпқа бўлганда хантал, узоқ муддат туриб 
қолса, тери куйиши мумкин. Ханталмалар олингач, бадан илиқ сув билан артиб 
ташланади. Бадандаги қизариш йўқолмасдан туриб қайта хантал қўйиш мумкин эмас. 
Умумий хантал ванналари кўпинча болаларга буюрилади. Бунинг учун 50 гр 
хантал порошоги бир челак сувда эритилиб, докадан ўтказилади. Эритма ҳарорати 37° 
бўлиб, унда болаларни 7-8 минут давомида ушлаб туриш мумкин.
Ванна қабул қилиб бўлгач, илиқ сув билан ювиб иссиқ кийинтириб ёки чойшабга 
ўраб қўйилади. Бундай ванна юқори нафас йўллари яллиғланганда, бронхитда, ўпка ёки 
буйрак яллиғланганда буюрилади. Бемор ханталли ваннага оёғини солиб ўтирганда, 
кўрпага ўралиб олиш керак. Ванна қабул қилиб бўлгач, оёғини иссиқ сув билан ювиб, 
артиб, қуриганидан сўнг ётиш мумкин.