28-мавзу. Водород атомининг квант назарияси. Атом ва молекулаларнинг квант механикаси элементлари. Режа

§ 4. Моддани тўлқин хусусиятлари. Де Бройль гипотезаси.
Ёруғликнинг дуалистик хусусиятлари, яъни унинг тўлқин ва корпускуляр хусусиятлари тўғрисидаги фикрни ривожлантириб, 1924 йилда де-Бройль янги гипотезани илгари сурди: табиат симметриясига мойил бўлганлиги туфайли модда зарраларининг фақат корпускуляр хусусиятлари эмас, балки тўлқинли хусусиятлари ҳам содир бўлиши керак.
Бошқача қилиб айтганда, де-Бройль гипотезасига асосан, корпускуляр – тўлқин дуализми электромагнит нурланиш учун ҳам, модда зарралари учун ҳам тегишлидир.
У ҳолда электромагнит нурланиш фотони учун ўринли бўладиган қуйидаги муносабатни модда зарралари учун ҳам қўллаш мумкин.
Шунинг учун массаси т, тезлиги v (яъни, импульс p=mv) бўлган зарранинг ҳаракатланиш жараёнида узунлиги
(1) бўлган тўлқинни хусусиятлари намоён бўлиши керак деган хулосага келинган.

1. 
   ни де-Бройль формуласи деб,  ни эса де-Бройль тўлқин узунлиги деб аташ одат бўлган.
   

де – Бройлга биноан, ҳар бир микрообъект билан бир томондан корпускуляр характеристикалар - энергия E ва импульс p, иккинчи томондан тўлқин характеристикалари - частота v ва тўлқин узунлиги  боғланган.
Де-Бройль гипотезаси билан танишгач, Эйнштейн қуйидаги фикрни айтди: агар бу гипотеза тўғри бўлса, электронлар учун дифракция ҳодисаси кузатилиши лозим. Ҳақиқатан, 1927 йилда Девиссон ва Жермер тажрибасида бу фикр тасдиқланди.
Корпускуляр-тўлқин дуализми ҳаракатланаётган барча жисмлар учун ўринли. Лекин макрожисмларнинг массалари катта бўлганлиги туфайли, (1) формулага асосан, уларнинг де-Бройль тўлқин узунликлари жуда кичик бўлади. Бу эса, микрожисмларнинг тўлқин хусусиятларини кузатиб бўлмасликнинг сабабидир. Шунинг учун, бизнинг онгимизда макрожисм ҳақида фақат корпускуляр тасаввур мавжуд бўлади.
Шундай қилиб, классик назариядан фарқли равишда, квант механикасида барча заррачалар бир-бирини инкор қилмайдиган, балки бир-бирини тўлдирадиган корпускуляр ва тўлқин хусусиятларини ташувчилари сифатида намоён бўлади.