28-мавзу. Водород атомининг квант назарияси. Атом ва молекулаларнинг квант механикаси элементлари. Режа

Электрон булут- атомда электрон ҳаракатининг модели бўлиб, фазонинг ҳар бир нуқтасида берилган электрон мавжуд бўлиши мумкин бўлган соҳа.


Электрон булут аниқ бир чегарага эга эмас ва зичлиги бир текис эмас. Электронни мавжуд бўлиш эҳтимоллиги энг катта бўлган(~90%) атом атрофидаги соҳанинг бир қисми орбитал дейилади.
Электрон орбитал — электронни бирор жойда бўлиш эҳтимоллиги 90% дан ортиқ бўладиган ядро яқинидаги фазо соҳаси.
Электрон орбиталлари турли шаклларга эга бўлади. Водород атомида ягона электроннинг орбитали шар шаклида бўлади. Бу- s-орбитал.
Бошқа элементларнинг электронлар гантелсимон p-орбиталларда бўлади.

s-орбитал p-орбитал

Шакли бўйича бундан ҳам мураккаб орбиталлар маълум. Электрон орбиталлар ўлчами билан фарқ қилади. Ўлчамлари электронни энергиясига боғлиқ. Электроннинг энергияси қанча катта бўлса,унинг орбиталини ўлчами шунча катта бўлади ва ядродан шунча узоқда бўлади.

Эътибор беринг! Электрон ядродан қанча узоқда бўлса, унинг энергияси шунча катта бўлади ва ядро билан боғланиши шунча суст бўлади.
Битта орбиталда иккитадан ортиқ электрон бўла олмайди. Битта орбиталдаги иккита электрон жуфтланган дейилади. Агар орбиталда битта электрон жойлашган бўлса, у жуфтланган бўлмайди.
Атомда марказий ядро бўлиб, у протон ва нейтронлардан ташкил топган. Уни, электронни энг эҳтимоллик билан аниқлаш имконияти бўлган “эҳтимоллик тумани” қуршаб туради. Зичлиги қанча катта бўлса электронни аниқлаш эҳтимоллиги шунча катта бўлади. Бу зич бўлган эҳтимолли туман электрон булут дейилади.

Атомда ягона электронни жойлашишининг эҳтимолли манзараси.

Элемент атомининг электрон қобиғидаги электронлар ҳолати билан аниқланадиган ҳамда берилган атом элементини бошқа атомлар билан ҳосил қилиши мумкин бўлган боғланишларни тушунтирадиган кимёвий характеристикаси учун қуйидагиларни билиш керак:

-атомдаги электронни энергиясини;
-берилган электрон томонидан вужудга келтирилаётган электрон булутнинг шаклини.