13 mavzu: III a guruh elementlari Режа: Гуруҳча элементларининг умумий характеристикаси. Бор, унинг бирикмалари, олиниши, хоссалари

13 MAVZU: III A guruh elementlari


Режа:
1. Гуруҳча элементларининг умумий характеристикаси.
2. Бор, унинг бирикмалари, олиниши, хоссалари.
3. Борнинг кислородли бирикмалари. Борат кислота.
4. Бор кластерлари. Юқори боранлар ва боргидридлар синтези.
5. Металлборанлар. Карборанлар.
6. Бор ва унинг бирикмаларини ишлатилиши.
7. Алюминий, хоссалари, олиниши.
8. Алюминий бирикмаларининг ишлатилиши.

Учинчи гуруҳ асосий гуруҳчаси элементлари ҳам р-элементлар оиласига мансубдир. Уларга бор, алюмийин, галлий, индий ва таллий киради.

Бор гуруҳчаси элементларидан бор металлмаслик хоссаларини намоён қилади. Бу гуруҳчасининг қолган элементлари металлардир. Бу эса уларнинг атом радиусларини (В = 0,097 нм; Tl = 0,171) ортишига ва ташқи электронининг ядродан экранланишига боғлик. Бор гуруҳчаси элементлари бирикмаларда +3 оксидланиш даражасини намоён қилади. Факат таллий +3, +1 оксидланиш даражаларини намоён кила олади. Бунинг сабаби элементларнинг атом радиуслари B-Al-Ga-In-Tl қаторида ортиб боришидир. Атом радиуси ортган сари S - электрон орбиталлари билан р - электрон орбиталлари орасида энергия фарки орта боради. Шунинг учун таллийниннг 6р - электрони биринчи валент электронга айланиб (Tl⁺¹), кейин 6s² - электронлари кимёвий боғланишда иштирок этиши туфайли Tl⁺³ холатга ўтади.
Бу гуруҳча элементларининг тартиб рақами (Z = 5) В дан (Z = 81) Tl гача ортиб бориши билан уларнинг оксид ва гидроксидлари асосли хоссалари кучайиб, кислоталик хоссалари кучсизланиб боради.
Масалан: бор оксиди факат кислотали хоссаларини намоён қилади, алюминий оксиди амфотер, қолган оксидлар (Ga₂O₃, In₃O₃, Tl₂O₃) асосли хоссаларни намоён қилади. Н₃ВО₃ кислотадир, Al(OH)₃ амфотер гидроксиддир. Бу қатордаги қолган гидроксидлар кислоталарда эрийди. Бунинг сабаби: Al⁺³ дан Tl⁺³ -га утган сайин ион радиуслари катталашиб боришидир.
1-жадвал

Элемент Хоссалари	B(z=9)	Al (17)	Ga(35)	Jn(53)	Tl (85)
Ташқи электрон формуласи	2s^22p^1	3s^23p^1	4s^24p^1	5s^25p^1	6s^26p^1
Зичлиги, г/см^2	2.34	2.70	5.91	7.31	11.83
Суюқ. темп. ^0С	2400	660	29.8	156	303
Қайнаш тем. ^0С	2550	2500	2000	2300	1457
Атом радиуси, нм	0.091	0.143	0.139	0.166	0.171
Ион (Э^-) радиуси, нм	0.02	0.057	0.062	0.092	0.105
Электроманфий-лиги	1,0	1,5	1,6	1,7	1,8
Оксидлари	В2О3	Al2O3	Ga2O3	Jn2O3	Tl2O3
Гидроксидлари	H3BO3	Al(ОH)3	Ga(ОH)3	Jn(ОH)3	Tl(ОH)3

Гидроксид ва оксидларининг асослик хоссаси чапдан ўнгга томон кучайиб боради.


2.БОР ВА УНИНГ БИРИКМАЛАРИ
Борнинг табиатда тарқалиши: бор асосан бирикма холида тарқалган бўлиб, улар қаторига: Na₂B₄O₇*10H₂O - бура, Na₂H₄O₇*H₂O - кернет, H₃BO₃*4H₂O - сасолин. Борнинг ер пўстлоғидаги миқдори 5*10^-4 ат %. Икки протон ¹⁰В (19,6%) ва ¹¹В (80,40%) кўринишидан иборат.
Олиниши. Бор асосан металлотермия усули билан олинади:
B₂O₃ + 3Mg 3MgO + 2B
Металлотермик усул билан олинган бор унча тоза бўлмайди. Тоза холатдаги бор унинг бири кмаларини суюқлантириб электролиз қилиш усули билан олинади. Жуда тоза холдаги борни, буғ холатдаги борбромидни чуглатилган тантал сими иштирокида водород билан қайтариб бор олиш мумкин:
2BBr₃+ 3H₂ 2B + 6НВr
Бундан ташқари, водородли бирикмаларини термик парчалаб ҳам эркин холдаги борни олиш мумкин:
В₂Н₆ 2В + 3Н₂
Хоссалари. Бор аморф ва кристалл модификацияга эга. Бор инерт модда, оддий шароитда факатгина фтор билан бирика олади. Қиздирилганда эса, хлор, бром ва олтингугурт билан раекцияга киришади. Борга суюлтирилган кислоталар таъсир этмайди. Қиздирилганда, концентранган сульфат, нитрат кислоталарда ва зар сувида эрийди:
2B + 3H₂SO_4конц 2H₃BO₃ + 3SO₂
B + 3HNO_3конц H₃BO₃ + 3NO₂
3B + 3HNO₃ + 6HCl H₃BO₃ + 3NO₂ + 2BCl₃ + 3H₂
Оксидловчи моддалар иштирокида бор ишқорлар билан реакцияга киришади:
2В + 2NaOH + 2H₂O 2NaBO₂ + 3H₂
Бор оксиди В₂О₃ нинг ҳосил бўлиши Гиббс энергияси юқори бўлганлиги туфайли (G₂₉₈ = 1178 кДж/моль), бор қиздирилганда SiO₂, P₂O₅, CO₂ каби баркарор оксидлар билан ҳам реакцияга киришиб, кучли қайтарувчилик хоссаларини намоён қилади:
4B + 3SiO₂ 2B₂O₃ + 3Si
10B + 3P₂O₅ 5B₂O₃ + 6P
Бирикмалари. Борнинг водородли бирикмалари боранлар деб аталади. Халқ хўжалигида кўп ишлатиладигани В₂Н₆ диборандир.
2ВВr₃ + 6H₂ B₂H₆ + 6HBr
Бороводород (боран) - лар жуда шиддатли реакцияга киришувчи моддалардир. Уларнинг кўпчилиги хатто очик ҳавода уз-узидан алангаланиб, катта иссиқлик ажратиб ёнади. Шу сабабли бу моддалар ракета ёкилгиси сифатида ишлатилади:
B₂H₆ + 3O₂ B₂O₃ + 3H₂O
B₂H₆+ 6H₂O 2H₃BO₃+ 6H₂
Диборан ишқорий ва ишқорий - ер металлари ва уларннинг гидроксидлари билан реакцияга киришади:
B₂H₆ + 2Na Na₂[B₂H₆]
B₂H₆ + 2NaOH Na₂[B₂H₄(OH)₂] + H₂
Диборан кислоталар билан босқичли алмашиниш реакцияларига киришади:
B₂H₆ + HCl B₂ H₅ Cl + H₂
B₂H₅Cl + HCl B₂H₄Cl₂ + H₂ ва хаказо.
Диборан галогенлар борнинг галогенидларини ҳосил қилади. Бор галогенидлари аммиак ва ишқорий металлар галогенидлари билан бириклиб, комплекс бирикмалар ҳосил қилади:

B₂H₆ + 6Cl₂ 2BCl₃ + 6HCl
B Cl₃ + NH₃ [B Cl₃ * NH₃]
B Cl₃ + KCl K[BCl₄]
Бор галогенидлари сув таъсирида яхши гидролизланади:
BCl₃ + 3H₂O H₃BO₃ + 3HCl
Бор оксиди ва борат кислотаси. Бор оксиди В₂О₃ ок кристалл модда борат кислотани сувсизлантириш натижасида ҳосил бўлади.

Н₃ВО₃ (НВО₂)_n Н₂В₄О₇ В₂О₃

орто борат мета борат тетра бор
кислота кислота борат оксиди
кислота
Борат кислотага ишқор таъсир эттирганда полиборатлар, агар NaOH таъсир эттирилса, натрий тетраборат кристаллогидрати ҳосил бўлади:
4H₃BO₃ + 2NaOH + 3H₂O Na₂B₄O₇*10H₂O
Бор тузларига кислота таъсир эттирганда борат кислота ҳосил бўлади:
Na₂B₄O₇ + H₂SO₄ + 5H₂O Na₂SO₄ + 4H₃BO₃
Борнинг кислородли бирикмалари асосан полимер тузилишли бўлиб, -В-О-В- боғлари молекуланинг асосий тузилишини белгилайди. Шунга асосан бор оксиди (B₂O₃)_n таркибга мос келади. (B₂O₃)_n жуда осонлик билан H₂O молекулалари билан таъсирлашади. Буни гидратланиш реакцияси дейилади. (B₂O₃)_n нинг гидратланиш реакцияси натижасида бор кислоталари - полиметаборат, полиортоборат ва ортоборат кислоталари ҳосил бўлади:
(B₂O₃)_n (НВО₂)₃ Н₅В₃О₇ Н₃ВО₃
Агар бор кислоталарини қиздирилса таркибидан сув чикиб кетиши натижасида юқоридаги реакция тескари йуналишда бориб (B₂O₃)_n ҳосил бўлади.
Бу кислоталардан кўп ишлатиладигани орборат кислота - Н₃BO₃. Оддий шароитда ок рангли, кулга тегса ёгсимон из қолдирувчи, қават-қават тузилишли модда. Бу тузилиш Н₃BO₃ таркибидаги водород ва кислород атомларининг Н боғи ҳосил қилишига асосланган.
Аксарият борат кислоталари металлар билан турли таркибли тузларни ҳосил қилади. Улардан бири натрий тетраборат - Na₂В₄О₇ бура тузидир. Бу туз сувда яхши эрийди. аниқроги гидролизланади:
Na₂В₄О₇ + Н₂О 2NaОН + Н₂В₄О₇
ион холда В₄О₇^-2 + Н₂О Н₂В₄О₇ + 2ОН^- иккинчи босқичда:
Н₂В₄О₇ + 5Н₂О 4Н₃ВО₃. Бу туз эритмаси кучсиз асос (рН > 7) хоссасига эга бўлади.
Na₂В₄О₇ га кучли кислоталар таъсир эттириб ортоборат кислота олинади:
а) Na₂В₄О₇ + Н₂SО₄ Na₂SO₄ + Н₂В₄О₇
б) Н₂В₄О₇ + 5Н₂О 4Н₃ВО₃
Бура ҳосил қилиш учун бор кислоталари NaОН билан 2:1 нисбатда кайта ишланади: 4Н₃ВО₃ + 2NaОН Na₂В₄О₇ + 7Н₂О
Бура кўпинга металларни ковшарлашда, утга чидамли шишалар ва олишда ва аналитик кимёда моддалар анализида ишлатилади.