2-tema: puqaraliq jámiyeti ideyalari evolyusiyasi

O`zbekstanda ma`mleket ha`m ja`miyet qurıwdın` sovetlik ko`rinisi. Milliy g`a`rezsizlik ushın gu`res jolları ha`m sol joldag`ı maqsetler o`z-ara sa`ykeslikte bolg`an emes. G`a`rezsizlikke erisiw ushın gu`res, tilekke qarsı, tu`rlishe an`lań`an ha`m og`an tu`rlishe qatnas bolg`an. Biraq milliy azatlıq ha`reketinin` jen`ilisi yamasa ko`plep zıyalılardın` wa`killerinin` repressiyag`a ushırawı, sheyit bolıwı menen millettin` azatlıqqa bolg`an umtılıwı bir minut ta toqtag`an emes. O`zbek zıyalılarının` g`a`rezsizlik ushın alıp barg`an gu`resi 30-40 jıllarda, son`ınan 50-60 jıllardı dı tu`rli siyasiy ko`rinislerde dawam etip bara berdi.
XX a`sirdin` 80-jıllarına kelip, kommunistlik ideologiya qısqısı astında repressiya siyasatı jan`a basqıshqa kirdi. Oray xızmetkerleri ta`repinen sho`lkemlestirilgen «o`zbekler isi», «paxta isi» menen 11 mın`nan artıq o`zbekstanlı basshılar ha`m a`piwayı puqaralar quwdalawg`a ushıradı, jazalandı. Ja`miyetlik-siyasiy protsesslerdin` qarsılıqlasıwı ha`m qubılıslardın` keskinlesiwi «qayta qurıw» jıllarında da o`z ta`sir ko`lemin ken`eytip bardı. Na`tiyjede, respublikada ja`miyet bir pu`tinligin buzatug`ın iyesizlik jag`dayı puqaralar ortasında ala-awızlıq jag`dayın ju`zege keltirdi, milletler ara qarsılıqlar, geyde soqlıg`ısıwlar, a`sirese ma`mleket basqarıwında nızamsızlıq, biybastaqlıq jag`dayları ju`zege keldi.
Mine usınday qa`wipli jag`dayda, 1989 jıl 23-iyun`de İslam Abduganievich Karimov O`zbekstannın` birinshi basshısı sıpatında o`z iskerligin basladı. Ol qısqa waqıt ishinde O`zbekstanda ju`zege kelgen ja`miyetlik krizislik jag`daydı saplastırıwg`a qaratılg`an tu`pkilikli jan`a milliy siyasattı qa`liplestiriwge eristi. Na`tiyjede, siyasiy turaqsızlıq, puqaralar aralıq ha`m milletler aralıq kelispewshiliklerdin` aldı alındı. Ma`mleket basqarıwında basqıshpı-basqısh demokratiyalıq printsipler bekkemlendi-O`zbekstanda g`a`rezsiz ma`mleket sho`lkemlestiriwdin` siyasiy ha`i huqıqıy tiykarları jaratıldı. Bu`gińi ku`nde ol «O`zbek modeli» sıpatında ta`n alınbaqta.