2. Mehnat munosabatlarini tuzishning umumiy tartibi Ayrim turdagi mehnat munosabatlarini tuzishning o„ziga xos xususiyatlari

3. Ayrim turdagi mehnat shartnomalarini tuzishning o‘ziga xos xususiyatlari

Amaldagi mehnat qonunchiligida mehnat shartnomasining bir qancha ko„rinishlari, ya'ni turlari mavjud bo„lib, bular asosan shartnomaning muddati, uning mazmunining o„ziga xos xususiyati, shartnomaning shakli va uni tuzish tartibiga oid jihatlariga qarab klassifikatsiya qilinadi.

Mehnat shartnomasi muddatlariga qarab ikkiga bo„linadi:

a) nomuayyan muddatga tuziladigan shartnomalar;

b) muayyan muddatga tuziladigan shartnomalar, ya'ni besh yilga qadar muddatga, shuningdek muayyan ishni bajarish muddatiga mo„ljallab tuziladigan shartnomalar. Bu yerda shuni alohida ta'kidlash lozimki, eng keyingi shartnoma ishning tugallanish muddatini aniq belgilash imkoniyati bo„lmagan hollarda tuziladi. Shuning uchun ishning tugallanish muddati shartnomaning muddati bo„lib hisoblanadi.