2-боб. Минераллар ҳаида умумий тушунча

Чангсимон ва гилли жинслар. Бу жинслар асосан чанг (0.05-0.002мм) ва гил (0.002мм) заррачалардан иборат бўлади. Бу жинсларга супесь, суглинок, лёсс ва глиналар киради.
Йирик ва майда донали чақиқ жинсларнинг мустахкамлиги асосан, уларнинг зичлигига ва доналарининг бир хиллигига боғлиқ бўлса, чангсимон ва гилли жинсларники эса ғоваклик ва намлик даражасига боғлиқдир. Бу жинслар асосан релъефнинг чўл, саҳро, водий ва тоғ олди худудларини эгаллаб туради.
Цементланган чўкинди жинслар. Табиатда чақиқ юмшоқ жинслар фақат қатламланиб, зичлашиб тарқалмасдан балки табиий цементлар (оҳак, магний, кремний ва гил) таъсирида цементланиб, жинслар ҳосил қилади. Натижада қуйидаги жинслар ҳосил бўлади.
1.Конгломерат (шағалтош)-силлиқланган шағал, брекчия-қиррали (шебень), гравелит (силлиқланган)-гравий жинсларнинг табиий цементланишидан ҳосил бўлади.
Қумтошлар - қумларнинг цементланишдан пайдо бўлади. Алевролитлар - Супесьнинг цементланишидан, Аргиллитлар-суглинокнинг цементланишидан пайдо бўлади.
Цементланган чўкинди жинслар асосан тез нурайди, шунинг учун уларнинг мустахкамлиги уларнинг нураш ва цементланиш даражасига, табиий цемент турига боғлиқдир. Бу тоғ жинслар релъефнинг паст тоғларини, баландликларни ва тоғ олди худудларни эгаллайди.
2.Кимёвий чўкинди жинслар. Бу тоғ жинслар эритмалардаги кимёвий моддаларнинг чўкишидан ҳосил бўлади. Бундай жараён денгиз ва океан сувларида, қуриб бораётган сув ҳавзаларида, шўр сувли булоқларда кўзатилади. Кимёвий тоғ жинсларга ош тузи, гипс, ангидрит, оҳактош кабилар киради. Булар сувда тез эрийди, нурашга чидамсиз бўлиб, мустахкамлиги пастдир.
3.Органик тоғ жинслари. Денгиз, океан ва кўллар тубида ҳайвон, ўсимлик ҳамда ҳалок бўлган организмлар қолдиғининг тўпланишидан оргоноген жинслар ҳосил бўлади. Оргоноген жинслар серғовак бўлиб, сувда эрийди, ташқи куч таъсирида сиқилади. Бу гуруҳдаги жинсларга карбонатли жинслар-оҳактош, доломит; кремнийли-диотомит, трепеть, опока ва каусто биолитлар-тошкумир, қўнғир кўмир, антроцит, ёнувчи сланецлар, торф, асфальт ва бошқалар киради.