2-боб. Минераллар ҳаида умумий тушунча

Моос қаттиқлик шкаласи.

(Й.Эргашев бўйича, 1990 й.) 2.1.-жадвал.

Қаттиқлиги	Минералнинг номи	Кимёвий таркиби	Қаттиқликни аниқлаш усули.
1	Тальк	Mg3Si4O10OH2	Тирноқ билан тирналади.
2	Гипс	CaSO42H2O	Тирноқ билан тирналади.
3	Кальцит	CaCO3	Пичоқ билан чизилади.
4	Флюарит	CaF2	Пичоқ билан чизилади.
5	Апатит	Ca5(PO4)3F	Пичоқ билан чизилмайди.
6	Ортоклаз	KAlSi3O8	Пичоқ билан чизилмайди.
7	Кварц	SiO2	Ойнани тирнайди.
8	Топаз	Al2SiO4F,OH2	Ойнани кесади.
9	Корунд	Al2O3	Ойнани кесади.
10	Олмос	C	Ойнани кесади.

Минералларнинг зичлиги уларнинг кимёвий таркибига, яъни ион ёки атомларнинг оғирлигига боғлиқ бўлиб, 0,623 гсм³ бўлиши мумкин. Зичлиги 2,9 гсм³ дан кам бўлганлар енгил минераллар (олтингугурт, гипс, тальк, кварц, опал, кальцит), бундан ортиқ бўлганлари оғир минерал (гематит, олмос, пирит, марказит топоз, гранат ва ҳаказо) ҳисобланади.

2.2. Тоғ жинсларни ҳосил қилувчи асосий минералларнинг кимёвий таркиби ва классификацияси.

Минералларнинг кимёвий таркиби хилма-хил бўлиб, улар ҳар хил кимёвий элиментлардан ва органик моддалардан ташкил топгандир. Улар кимёвий таркиби бўйича қуйидаги гуруҳларга бўлинади (Й.Эргашев бўйича, 1990 й.):

1.Соф элиментлар гуруҳи – олтин-Au, Платина-Pt.

2.Сульфидлар гуруҳи-Галенит-PbS, Пирит-FeS₂, Халўкопирит-CuFeS₂, Сфалерит–ZnS, Молибденит–MoS₂
3. Галоид бирикмалар–Галит-NaCl, Cильвин-KCl, Флюорит–СаF₂
4. Оксидлар ва Гидрооксидлар–кварц–SiO₂,опал–SiO₂nH₂O, Хромит–FeCr₂O₄, Корунд–Al₂O₃, Магнетит–Fe₃O₄, Гематит-Fl₂O₃
5. Карбонатлар–кальцит–CaCO₃, Доломит–CaMg(Ca₃)₂ Сидерит-FeCO₃, Магнезит-MgCO₃, Лимонит-Fe₂O₃nH₂O.
6. Сульфатлар-Ангидрит-CaSO4, Барит-BaSO₄,Гипс-CaSO₄2H₂O.
7. Силикатлар – Оливин - (Mg,Fe)₂SiO₄, Авгит –Ca(MgFe,Al)(Si,Al)₂O₅, Мусковит-KAl₂(OH)(AlSi₃O₁₀), Биотит-K(Mg,Fe)₃(OHЮ,Fe)₂Al,Si₃O₁₀, Алдамчи муғуз-(Ca,Na)₂(Mg,Fe^2)₄(OH)₂Al,Si₄ Тальк-Mg₃(OH)₈Si₄O₁₀.
8. Фасфатлар-Апатит-Cn₅(F,Cl)PO₄₃, Фасфарит-Ca₅F(PO₄).

Назорат саволлар.

1.Минерал деб нимага айтилади?
2.Минерал табиатда қандай ҳолатда учрайди?
3.Минералларнинг физик хоссалари
4.Минералларнинг кимёвий таркибига кўра? классификацияси?

3-боб. Тоғ жинслари, уларнинг пайдо бўлиши ва турлари.


3.1. Тоғ жинсларининг генетик класссификацияси.
Ернинг литосфера қобиғи ҳар хил тоғ жинсларидан иборат. Тоғ жинслари деб Ер пўстида содир бўладиган геологик жараёнлар натижасида ҳосил бўлган бир неча минераллар бирикмасидан иборат табиий бирикмаларга айтилади.
Тоғ жинслар бир минералдан таркиб топган бўлса мономинералли ( гипс, доломит ), бир неча минералдан таркиб топган бўлса полиминералли ( гранит-кварц, дала шпати, слюда минералларидан ташкил топган) тоғ жинслари деб аталади. Тоғ жинслари бирламчи ва иккиламчи минераллардан ташкил топган бўлиши мумкин.
Тоғ жинсларининг тузилишини уларнинг структураси ва текстураси белгилайди. Структура-жинсларни ташкил этувчи минералл заррача ва агрегатларининг шакли, ўлчами ва ўзаро боғлиқлигига айтилади. Масалан: майда, йирик, ҳар хил заррачали, кристалли ва бошқалар.
Текстура-ўша заррача ва агрегатларнинг жинсларда фазовий жойлашига айтилади: зич, қат-қат бўлиб (сланцеватўй), ғовакдор ва ҳаказо.
Тоғ жинслари ҳосил бўлиш шароитига қараб учта асосий генетик гуруҳга бўлинади: Магматик, чўкинди, ва метаморфик жинслар.