1Ўзбекистон Республикаси Олий ва ўрта махсус таълим вазирлиги Наманган давлат университети

4.6. Қўлга киритилиши режалаштирилаётган якуний натижа (янги ишланма, технология, маҳсулот)нинг тавсифи (бунда илмий лойиҳа якунида қўлга киритиладиган муҳим илмий натижа – маҳсулот, янги ишланма, технологиянинг аниқ тавсифи қисқа ва лўнда баён этилиши лозим, 500 та сўздан ошмаслиги лозим):
Мазкур лойиҳанинг амалга оширилиши билан “Замонавий ўзбек аёли ва ўзбек миллий модаси” фестивали ўтказилиши ражалаштирилаётган бўлиб, уни амалга ошириш билан яна қуйидагиларни кўзда тутади:

• 
  кийиниш маданияти ўзбек миллий қиёфасини яратиш ва тарғиб қилишда, дизайнерлар, ижтимоий тармоқлар, блогерлар, профиллар, оммавий тадбирлар, теледастурлар, ОАВ билан ишлаш каби жараёнларда фаоллаштириш, намуналар кўрсатиш;
  
• 
  кийиниш маданияти ўзбек миллий қиёфасига путур етказувчи “суб маданият”нинг жамият маънавий-ахлоқий муҳитига салбий таъсирини профилактик-соғломлаштириш ишларини йўлга қўйиш;
  
• 
  миллий қадриятларимизни ва аёллар либосларидаги замонавий мода йўналишларни бирлаштириб, виждон ва эътиқод эркинлигини ҳисобга олган ҳолда “Ўзбек миллий модаси”ни яратиб ва уни намойиши ташкил этилиб, халқимиз орасида “миллий либос” тушунчасини шакллантириш орқали маънавий-ахлоқий муҳит муаммолари ва ечимлари объектив, субъектив даражаларда чуқур таҳлил қилинади ҳамда бир қатор тадбирлар белгиланади;
  
• 
  замонавий ўзбек аёли имиджини тарғиб қилишга қаратилган медиа режа ишлаб чиқилиб, унда қуйидагилар: кўрсатув, ахборот дастурларида бошловчи ва иштирокчиларни миллий кийиниши тартибини жорий қилиш, миллий либосни тарғиб этувчи ижтимоий роликларни барча телеканалларда мунтазам қўйилишини таъминлаш, миллий қадрият ва урф-одатларимиз акс этган миллий сериаллар ҳамда фильмлар намойишини мунтазам ташкил этиш, кийиниш маданиятига бағишланган “Ўзбек миллий модаси” номли туркум кўрсатувлар ташкил этиб борилади Шу билан бирга, “Замонавий ўзбек аёли” образи шаклланган миллий либосдаги кийиниш услуби ҳақида фильм ишлаб ва уни кенг оммага намойиш этилади;
  

• 
  миллий урф-одатлар ва қадриятларимизда ўзбек аёлларини кийиниш маданияти ҳақида адабиётлар яратиш мақсадида оммабоп, бадиий, илмий нашрларни тайёрлаб ва чоп этилади;
  

• 
  ёшлар ўртасида миллий қадрият ва қарашларимизга бегона бўлган, аммо шиддат билан ҳаётимизга кириб келаётган ўзга миллат қиёфаси ва ўзлигини тарғиб қилувчи “кўринишлар”, “қиёфалар” ҳамда “оммавий маданият” вирусига қарши қаратилган тарғибот-ташвиқот ишлари ташкил этилади;
  
• 
  аҳоли, айниқса ёшларни миллий кийиниш маданиятига муносабати ҳамда қизиқишларини ўрганиш мақсадида ижтимоий сўровномалар ўтказилади;
  
• 
  интернет тармоқларида “Ўзбек миллий модаси”, “Замонавий ўзбек аёли”, “Миллий либослар” каби номларда гуруҳ ва каналлар очиб, унга мунтазам маълумот жойлаб боришларни ҳисобга олинади.
  

Аҳоли, айниқса ёшлар ўртасида ўзбек миллий модаси тарғиботи йўлга қўйилади ва оммалаштирилади ҳамда аёл-қизларимизда миллий либосларга қизиқиш ортади. Энг асосийси, халқимиз орасида миллий либос ҳақида тассуроти шаклланади.
Шунингдек, аҳолини миллий кийиниш маданияти ҳақидаги фикри аниқланади ва атрофдаги воқеа-ҳодисаларга нисбатан муносабати шаклланади. яратилаётган миллий либослар ҳақидаги нашрлар кенг оммага тақдим этилади. Бу эса аҳоли, тадқиқотчи, изланувчилар учун миллий либослар, кийиниш маданият ҳақида фойдаланишда манба бўлиб хизмат қилади.