1Ўзбекистон Республикаси Олий ва ўрта махсус таълим вазирлиги Наманган давлат университети

4.9. Лойиҳа натижаларининг тижоратлаштириш салоҳияти (имконияти, даражаси)(бунда тадқиқот натижаси қандай тижоратлаштирилиши (ижтимоий-гуманитар фанлар соҳасида амалий мақсадларда қўлланилиши натижасида қандай ижтимоий самара олиниши), қўлга киритиладиган янги илмий ишланманинг тижорат салоҳияти аниқ баҳоланиши, фундаментал тадқиқотларда эса лойиҳа натижалари келгусида илмий ишланмаларни тижоратлаштириш учун асос бўлиб хизмат қилиши, шунингдек, асосланган тижоратлаштириш режаси келтирилиши, яратиладиган янги илмий ишланма (технология) асосида маҳсулот/хизмат ишлаб чиқаришнинг ресурс/хом-ашё базасининг ва зарур инфратузилманинг (илмий лаборатория, келгусида сериялаб ишлаб чиқариш учун ишлаб чиқариш базаси) мавжудлиги асослаб берилиши лозим, 1000 та сўздан ошмаслиги лозим):
Бугунги шиддатли давр ёш авлодга замонавий таълим бериш билан бирга уларни умуминсоний ва миллий қадриятлар, юксак инсоний фазилатлар руҳида тарбиялаш, онги ва қалбини мафкуравий, маънавий ва ахборот таҳдидларидан ишончли ҳимоя қилиш, уларда ғоявий иммунитетни шакллантириш масалаларига алоҳида эътибор бериш лозимлигини кўрсатмоқда. Шунингдек, таълим даргоҳларида кийиниш маданиятига ҳам катта эътибор бериш талаб қилинмоқда.
Хотин-қизларимиз энг аввало ўзининг ташқи кўриниши кийиниш одоби, ахлоқи орқали ўзига бўлган ҳурмат ва ишончини оила ва жамиятдаги мақеини ошириши, оила обрўсини сақлаши, шу оила манфаатлари учун қайғуриши лозим. Бунда ҳар бир хотин-қизларимиз ўз “лавозим”да: “уй бекаси”, “она”, “келин”, “ўқувчи қиз”, “талаба қиз”, “тикувчи”, “ҳунарманд”, “фермер”, “олима”, “сотувчи” каби барча соҳа вакиллари ўзи фаолият кўрсатадиган ташкилот, муассаса, хуллас манзилу маконларида ташқи кўринишига ёзилмаган аммо миллий қадриятларимизга йўғрилган қуйидаги асосий талабларнинг қўйилиши мақсадга мувофиқ:
кийиниш услуби одми ҳамда иш услубига монанд бўлиши зарур;
кийим тоза, дазмолланган, атрофдагиларни ўзига жалб киладиган турли хилдаги безакларсиз бўлиши лозим;
танланган пойафзал ходимнинг кийимига мос бўлиши керак.
соч турмаги тартибли ва таралган бўлмоғи лозим.
ўзининг ташқи кўриниши, кийиниши, юриш-туриши билан бошқаларга намуна бўлмоғи, одоб-ахлоқ қонун-қоидаларига мос ҳатти-ҳаракатлар қилиши зарур.