1-tanlov moduli. Sonlar va amallar (18 soat) 1-mavzu: to‘plamlar va ular ustida bajariladigan amallar. Mulohazalar va ular ustida bajariladigan amallar.

2-ta’rif. Berilgan x va u elementar mulohazalarning birinchisi chin va ikkinchisi yolg’on bo’lgandagina yo qiymat qabul qilib, qolgan hollarda esa, ch qiymat qabul qiluvchi murakkab mulohaza x va u mulohazalarning implikasiyasi deb ataladi.

“Berilgan mulohazalarning implikasiyasi bu mulohazalarga implikasiya amalini qo’llab hosil qilindi” deb aytish mumkin. Implikasiya amali 2-jadvalda ifodalangan b₁₃ binar amaldir.

Implikasiya amalini belgilashda “→” (yoki “ => ”) belgidan foydalaniladi. SHuni ta’kidlash kerakki, implikasiya amali bajarilganda berilgan elementar mulohazalarning o’rni, ya’ni ulardan qaysi birinchi va qaysi ikkinchi bo’lishi muhimdir. Berilgan x va u elementar mulohazaning implikasiyasi “x→u ” kabi yoziladi va “agar x bo’lsa, u holda u (bo’ladi)” deb o’qiladi. x→u implikasiyani “x dan u ga implikasiya” deb ham yuritishadi. So’zlashuv tilida x→u implikasiyani “x bo’lsa, u bo’ladi”, “agar x bo’lsa, u vaqtda u bo’ladi”, “x dan u hosil bo’ladi”, “x dan u kelib chiqadi”, “y, agar x bo’lsa”, “x u uchun yetarli shart” va boshqacha o’qish holatlari ham uchraydi. x va u elementar mulohazaning x→u implikasiyasi uchun x mulohaza asos (shart, gipoteza, dalil), u mulohaza esa x asosnirig oqibati (natijasi, xulosasi) deb ataladi. x va u mulohazalarning x→u implikasiyasi uchun chinlik jadvali 6- jadval bo’ladi (2- jadvalning x, u va b₁₃ ustunlariga qarang).

Implikasiya uchun chinlik jadvalining dastlabki ikkita satri yolg’on asosdan yolg’on xulosa ham, chin xulosa ham kelib chiqishi mumkinligini anglatadi. Boshqacha qilib aytganda, “yolg’ondan har bir narsani kutish mumkin”.

Implikasiya uchun chinlik jadvalidan ko’rinadiki, 2- misoldagi mulohazalarning ikkinchisi yolg’on bo’lib, qolganlari chindir.