1. mtmlarda kompyuter tarmoqlaridan foydalanish. Multimedia texnologiyasini ta’lim-tarbiyaga joriy etishdagi mashg’ulot shakllari

MTM tarbiyachilari kompyuterli ta’lim va rivojlantiruvchi o’yinlarni amalga oshirish bo’yicha quyidagilarga e’tibor berishlari lozim.

1. Bir martalik o’yin (seans) 15 daqiqadan oshmasligi kerak

2. Kompyuterli o’yinlarni boshqa turdagi o’yinlar bilan almashtirib olib borish, ya’ni 15 daqiqa davom etgan kompyuterli o’yindan so’ng jismoniy harakatli o’yinga o’tish.

3. Tarbiyalanuvchilarga jangarilik, zo’ravonlik va boshqa noma’qul o’yinlarni ko’rsatmaslik.

4. Kompyuterli o’yinlarni ma’lum bir ta’lim-tarbiya yo’nalishi bo’yicha o’tkazilishini ta’minlash.

5. Kompyuterli o’yinlarni tarbiyalanuvchilarning fikrlash qobiliyatlarni rivojlantirilishiga qaratilgan bo’lishiga erishish.

6. Kompyuterli o’yinlarni tarbiyalanuvchilarni zehnlarini va ziyrakliklarini oshirishga qaratish.

7. MTM tarbiyachilarining o’zlari tomonidan kompyuterli ta’lim va rivojlantiruvchi o’yinlarni yaratishni ta’minlash.

Quyida kompyuterli ta’lim va rivojlantiruvchi o’yinlardan namunalar keltiramiz.

MTMlar uchun, muallif tomonidan kompyuterli ta’limiy-rivojlantiruvchi o’yinlardan «SHakllarni ustma-ust qo’yish” seriyasidagi o’yinlarning 5 xil darajasi yaratilgan bo’lib, har bir turiga 11 ta o’yin kiritilgan. O’yinlarning umumiy soni 55 ni tashkil etadi. Har bir tur o’yinlari bir-biridan murakkablik darajasi bilan farqlanadi. Ushbu o’yinlarning 1-, 2-, 3 – darajalari katta guruh tarbiyalanuvchilari uchun, 3-, 4-, 5 – darajalari esa, maktabga tayyorlov guruhi uchun mo’ljallangan. MTMlarda ushbu kompyuterli o’yinlar turkumidan ikki yo’nalish bo’yicha foydalanish mumkin:

1) ta’limiy-rivojlantiruvchi o’yinlar sifatida;

2) rivojlantiruvchi o’yinlar sifatida.