1-мавзу. Уй хўжалиги ижтимоий-иқтисодий фаолиятининг назарий-концептуал асослари

Реал фоиз ставкалари динамикаси

Қайта молиялаш ставкаси ва банклараро фоиз ставкалари

Монетар сиёсатни амалга ошириш

Пуллар мамлакат иқтисодий ривожланиш даражасини аниқловчи кўпгина иқтисодий ўзгаришларга таъсир кўрсатганлиги сабабли, монетар сиёсат, яъни пуллар ва фоиз ставкаларини бошқариш - бутун дунёда иқтисодий стратегияни ишлаб чиқувчилар ва сиёсатчиларнинг диққат-эътиборидаги объектлардан бири ҳисобланади. Мамлакатда монетар сиёсатни амалга оширишга Марказий банк жавобгар (АҚШда бу Федерал Захира Тизими (ФЗТ)) ҳисобланади. Шу боис, мазкур фанда АҚШ ва бошқа давлатларда амалга оширилаётган монетар сиёсатнинг ўзига хос хусусиятлари ва иқтисодиётда пулларнинг миқдорини бошқаришда Марказий банкларнинг ролини таҳлил қилишга ҳам баъзи мавзулар бағишланган.

Монетар ва фискал сиёсатнинг боғлиқлиги

Фискал сиёсат солиққа тортиш ва давлат харажатларига доир масалаларни ҳал этишни ўз ичига олади. Бюджет дефицити- бир йил ичида давлат харажатларининг унинг даромадларидан ортишини. Бюджетнинг ижобий сальдоси (профицит)-бюджет даромадларининг харажатлардан ортишини билдиради. Бюджет дефицитини молиялаштириш мақсадида хукумат қарз олишига тўғри келади; ижобий сальдо эса давлат қарзларини камайтиришга имкон беради. Шунингдек, биз бюджет тақчиллигининг пул массаси ўсишига, инфляция суръатлари ва фоиз ставкаларига таъсирини ҳам тахлилий жиҳатдан ўрганамиз.

Халқаро молияни нима сабабдан ўрганамиз?

Сўнгги йилларда молиявий бозорларнинг глобаллашуви янада тезлашиб кетди. Дунё бўйлаб молиявий бозорлар жуда юқори суръатларда интеграциялашди. Америка компаниялари тез-тез хорижий молиявий бозорлардан қарз олишади ва хорижий компаниялар АҚШ молия бозорларига қарз беришади. Банклар ва бошқа молиявий институтлар, жумладан, ЖП Морган Часе, Cитигроуп, УБС, Дойчебанк жаҳон бўйлаб кўплаб мамлакатларда операцияларни амалга ошириш орқали халқаро даражага чиқди. Ушбу фан хорижий валюта бозорлари ва халқаро молиявий тизимни ҳам ўзида акс эттиради.