1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

Bayonot (Vыstuplenie)
Maqsadi:
- inssenirovka taklif etilgan mavzu yoki qandaydir qoʻyilgan vaziyatga oʻzining munosabatini konspektiv tarzda bayon etish, nutq ayta olish, tezkor fikrlay olishni rivojlantirish maqsadida oʻtkaziladi;
- chiqishlarni tahlil qilish va baholash, ma’ruza qiluvchilarni baholash mezonlarini ishlab chiqish koʻnikmasini shakllantiradi.

1. 
   Pedagog yoki boshqa boshlovchi mavzuni, maqsadni e’lon qiladi va unga qiziqishni rivojlantiradi.
   
2. 
   Ekspertlar va sekretar belgilanadi.
   
3. 
   Qaysi mavzu boʻyicha, ma’ruzachilar oʻzlarini qanday vaziyatda tasavvur qilishlari va qanday koʻrsatkichlar boʻyicha baholanishlari aytib oʻtiladi.
   
4. 
   Tayyorlanish uchun vaqt beriladi. Har bir ishtirokchi indiviudal tarzda oʻzining ma’ruzasini tayyorlaydi.
   
5. 
   Keyin ishtirokchilarga navbati bilan soʻz beriladi. Ma’ruzalar besh minutdan oshmasligi kerak. Qolgan tinglovchilar ma’ruzachilarni tinglashadi.
   
6. 
   Ma’ruzalar tugaganidan soʻng, ekspertlar chiqishlarni aytib oʻtilgan mezonlar boʻyicha baholashadi. Chiqishlarni tahlil etish uch bosqichda amalga oshiriladi. Har bir ekspert chiqishga mos bahoni qoʻyadi va ma’ruzachining oʻrnini belgilaydi. Keyin oʻzining tashabbusi bilan yonidagi sherigi bilan baholash boʻyicha aloqaga kirishadi. Zaruriyat tugʻilganda, oʻzining bahosiga oʻzgartirish kiritadi. SHundan soʻng, umumguruhiy munozara oʻtkaziladi. CHiqishlarning mazmuni tahlil qilinadi, ma’ruzachilarning xatti-harakatlaridagi ijobiy va salbiy jihatlar aniqlashtiriladi.
   
7. 
   Texnik ekspert ma’ruzachilar egallagan oʻrinlarni e’lon qiladi. Boshlovchi chiqishlar boʻyicha yakuniy xulosani aytadi va umumlashtiradi.
   

Ma’ruza-maslahat
Maqsadi:
- talabalarda savol tuza olish koʻnikmasini shakllantirish;
- uni amaliyotda qoʻllay olish uchun materialni oʻzlashtirish.
Mazkur metod mavzuni oʻrganishda uning amaliy yoʻnalganligi bilan uygʻunlgini ta’minlaydi. U quyidagi variantlarda amalga oshirilishi mumkin.
Savol-javoblar. Oʻqituvchi oʻquv materialini bayon etadi (bunda ma’ruzaning 50-70% vaqti sarflanishi mumkin), u koʻrib chiqilayotgan nazariy qoidalarning amaliyotda qoʻllanilishiga doir qator nyuanslarga alohida e’tibor qaratadi, qolgan vaqtda tinglovchilarning savollariga javob beradi.