1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

Pedagogik fanlarni oʻqitish metodikasining predmeti, maqsad va vazifalari.

Pedagogik fanlarni oʻqitish metodikasi – bu nazariya va amaliyotning umumlashgan koʻrinishidir. U oʻqituvchi va ta’lim oluvchilar birgalikdagi faoliyati, ta’lim mazmuni, shakl va metodlari birligi sifatida pedagogik fanlarni oʻqitish jarayonini tadqiq etadi.
Pedagogik fanlarni oʻqitish metodikasi boʻlajak oʻqituvchilarni yuqori kasbiy tayyorgarligini ta’minlash uchun butun e’tiborini ta’limning qonuniyatlari va tamoyillari, uning shakl va metodlarini asoslashga qaratadi. Bundan tashqari pedagogik fanlarni oʻqitish metodikasi doimiy ravishda pedagogika fanlarni oʻqitishning qonuniyatlarini ochish va asoslab berishga hamda uning asosida ta’lim jarayonini boshqarish yoʻllarini izlab topadi.
Pedagogika fanlari oʻqitish metodikasi fanining predmeti.
Dars jarayonida oʻqitishning yangi usullarini izlab topish va uni amaliyotga tadbiq etish. Dars samaradorligini oshirish lozim:

• 
  Tа`lim–tаrbiyaning zаmоnаviy tаlаb dаrаjаsigа vа tаrbiya qоnuniyatlаrigа аmаl qilаdi;
  
• 
  Pedagogika fanlar tizimi va mazmuni;
  
• 
  Ta’lim tarbiyada qoʻllaniladigan usullar;
  

Pedagogika fanlari oʻqitish metodikasi fanining mаqsаdi.
Pedagogika faniga doir muammolar holati, qonuniyatlarni oʻrganishga qaratiladi.
Hozirgi kunda pedagogika fani oldida turgan bir qator muammolar mavjud boʻlib, ularni oʻrganish eng muhim vazifalardan biridir.

• 
  Hozirgi paytda mamlakatimizda chiqarilayorgan ta’lim tarbiyaga oid qarorlar va qonunlar mavjud boʻlib, bu qaror, qonunlarni oʻrganish uchun pedagogikada alohida boʻlim yaratilishi lozim.
  
• 
  Imkoniyati cheklangan yoshlarni hayotga moslashtirish. 2004 yildan ijtimioiy moslashuv maskani ochildi. Imkoniyati cheklangan bolalarni tarbiyalash va ularga ta’lim berish masalalarini oʻrganish muhimdir.
  
• 
  Mahalla pedagogikasi
  
• 
  Oila pedagogikasi doir 80 ga yaqin huquqiy me’yoriy hujjatlar qabul qilindi
  
• 
  Xotin – qizlar masalasi
  
• 
  Yoshlarni ijtimoiy faolligini oshirish
  
• 
  Ta’lim va tarbiya jarayonida uzviylik va uzluksizlikni ta’minlash
  
• 
  Inovatsion boshqarish
  
• 
  Ta’lom tarbiyani modernizatsiya qilish
  

Pedagogik fanlarni oʻqitish metodikasi predmetini bunday tushunishdan kelib chiqib aytish mumkinki, u boshqa fanlarni oʻqitish metodikasidan farqli ravishda ikki – umumiy va xususiy qismdan tashkil topadi.
Umumiy qismda pedagogik fanlarni oʻqitishning metodologik va umumnazariy masalalariga e’tibor qaratiladi. Ular pedagogika kollejlarida pedagogik fanlarni oʻqitishda bir xil darajadagi ahamiyatga ega. Ikkinchi boʻlimda pedagogika kollejlarida pedagogik fanlarni oʻqitish jarayoni, mazmuni, shakl va metodlariga alohida urgʻu beriladi.
Pedagogik fanlarni oʻqitish metodikasi oʻquv fani sifatida «Ta’lim toʻgʻrisidagi»gi Qonun asosida tubdan yangilandi. Ana shu asosdan kelib chiqib, pedagogik fanlarni oʻqitish metodikasi fanining vazifalariga quyidagilarni kiritish mumkin:

1. 
   Oʻqitish jarayonini samarali tashkil etish natijasida har tomonlama rivojlangan, yuqori intellektual salohiyatga ega shaxsni shakllantirish.
   
2. 
   Har tomonlama rivojlangan, yuqori intellektual salohiyatga ega shaxsni shakllantirishning markazida oʻqituvchi turadi. Shuning uchun boʻlajak oʻqituvchilarning kasbiy tayyorgarligini takomillashtirish – metodikaning muhim vazifasidir.
   
3. 
   Pedagogik fanlarni oʻqitish metodikasi fani boʻlajak oʻkituvchilarga oʻquvchilarning fan asoslari boʻyicha bilimlarini yangi sifat darajasiga, kasbga yoʻnaltira olishlariga, gʻoyaviy-siyosiy, axloqiy, jismoniy va estetik tarbiyani yuksak darajasiga erishish yoʻllarini koʻrsatib berishi zarur.
   
4. 
   Talabalarni ta’lim muassasalarida oʻquv-tarbiya jarayonini tashkil etishga oid koʻnikma va malakalar bilan qurollantirish uchun pedagogik fanlarni oʻqitish metodikasi fani pedagogni ta’limning shakl, metod va vositalarini tanlab olish va tizimlashtirishga oʻrgatadi.
   
5. 
   Pedagogik ta’lim muassasalari boʻlajak oʻqituvchilarda kasbiy-pedagogik yoʻnalganlikni shakllantirish uchun katta ijobiy tajribaga ega. Bunda pedagogik fanlarni oʻziga xos oʻrni bor. Toʻplangan tajribalarni jamlash, tizimlashtirish, kelajakda qoʻllash uchun tavsiyalar berish ham pedagogik fanlarni oʻqitishning vazifalaridan biridir.