1-mavzu. «Pedagogik fanlarni oʻqitish metodikasi» fanining predmeti, maqsad va vazifalari. Reja

Pedagogika tarixi – insoniyat jamiyati rivojining turli bosqichlarida oʻsib kelayotgan avlodni oʻqitish va tarbiyalash nazariyasi va amaliyotining holati va rivojlanishini oʻrganadigan pedagogik fanlar sohasi.
Pedagogika tarixi – ta’lim va tarbiyaning yuzaga kelishi, tarqqiy etishi, muayyan tarixiy davrlarda yetakchi o’rin egallaganligi, pedagogik fikrlar taraqqiyot masalalarini o’rganadi.
Umumiy pedagogika – barcha turdagi ta’lim muassasalaridagi oʻquv-tarbiya jarayonining umumiy asoslarini ishlab chiqadigan, inson tarbiyasi qonuniyatlarini oʻrganadigan bazaviy ilmiy fan.
Umumiy pedagogika – maktab yoshidagi bolalarni tarbiyalash va ularga ta’lim berish masalalarini o’rganadi.
Maktabgacha tarbiya pedagogikasi – maktabgacha yoshdagi bolalar shaxsi shakllanishi, rivojlanishi qonuniyatlari haqidagi fan.
Maktabgacha ta’lim pedagogikasi – maktabgacha ta’lim yoshdagi bolalarni tarbiyalash, ularni intelektual – ma’naviy, axloqiy va jismoniy jihatdan kamolotga yetkazish masalalarini o’rganadi.
Maktab pedagogikasi oʻzida turli oʻquv muassasalari(boshlangʻich va umumiy oʻrta maktab, litsey, gimnaziya va boshqalar)dagi oʻquvchilarni oʻqitish va tarbiyalash qonuniyatlari haqida boy ilmiy ma’lumotlarni toʻplagan pedagogik fanlarning eng qadimiy sohalaridan birini aks ettiradi.
Oʻrta maxsus, kasb hunar ta’lim pedagogikasi shakllanish bosqichida davom etmoqda. U oʻrta maxsus kasb-hunar ta’limi muassasalaridagi kasbiy ta’lim muammolari hamda ta’lim mazmuni va shakllarini oʻrganadi.
Oliy ta’lim pedagogikasi oliy oʻquv yurtlaridagi oʻquv-tarbiya jara-yoni qonuniyatlarini oʻrganadi.
Ishlab chiqarish pedagogikasi ishchi xodimlarni oʻqitish, ularni ish-lab chiqarishning yangi vositalariga qayta yoʻnaltirish, ularning malakasi-ni oshirish, yangi kasblarga oʻrgatish qonuniyatlarini oʻrganadi.
Maxsus pedagogika shaxsi va rivojlanishida nuqsoni bor boʻlgan bolalarni oʻqitish va tarbiyalash bilan shugʻullanadi. Asosiy uch sohasi mavjud:

• 
  surdopedagogika – eshitish qobiliyati buzilgan bolalarni oʻqitish va tarbiyalash pedagogikasi;
  
• 
  tiflopedagogika – koʻzi ojiz bolalarni oʻqitish va tarbiyalash qonuniyatlarini oʻrganuvchi;
  
• 
  oligofrenopedagogika – aqli zaif bolalarni oʻkitish va tarbiyalash jarayonini tadqiq etadi.
  
• 
  Logopediya – nutqi kamchiligi bor bo’lgan bolalarni o’qitish va tarbiyalash masalalarini o’rganadi.