1-mavzu. “O‘lchash asboblarini konstruksiyalash” faniga kirish. Reja

O‘lchash – bu fizik qiymat bo‘lib, sinov yo‘li bilan asbob-uskunalar yordamida aniqlanadi.
O‘lchashlar - asosan bir ko‘rinishli va ko‘p ko‘rinishliga bo‘linadi. Fizik o‘lchov birliklari faqatgina bir o‘lchovga aks etgirilsa, unda bir ko‘rinishli o‘lchash deyiladi. Misol uchun: turli og‘irlikdagi toshlar.
Ko‘p ko‘rinishli o‘lchashlarda esa, qator o‘lchovlarni fizik o‘lchovlarga aks ettirish mumkin. Misol uchun, millimetrli chizg‘ich. Bu o‘lchov ko‘rinarli vosita va standartlashgan namunalarga bog‘liq bo‘lib, ular o‘ziga maxsus rasmiylashtirilgan yoki aniqlangan vosita namunasi va tarkibini kattiq reglamentga solish, ba’zi bir sharoitlarda aniqlanayotgan o‘lchov qiymatlarining ko‘rinishlaridan biri bo‘lgan qiymat bilan birgalikda o‘lchovga aytiladi. Masalan: standart bo‘yicha paxta tolasining mustahkamligi.
Qayta o‘zgaruvchan o‘lchashlar - aloqaga uzatishga qulay bo‘lishi, qayta ishlash, qayta o‘zgartirish va saqlash uchun o‘lchash vositasi ma’lumotli signallarini ma’lum bir shakl asosida ishlab chiqarilishiga aytiladi.
Hozirgi vaqtda to‘g‘ri ko‘rsatuvchi va to‘g‘ri ta’sir ko‘rsatuvchi uskunalar keng miqyosda tarqalgan bo‘lib, unda ketma-ketlik qatorli bir xil yo‘nalishda harakatlanayotgan o‘lchashlar qo‘llaniladi. Qandaydir bir aniq bo‘lgan qiymatni uskunada olingan qiymat bilan solishtirish natijasida katta bir aniqlikda bo‘lgan qiymatni solishtirish mumkin. Hozirgi kunda solishtirish ishlari kompensatsiya va tayanchli zanjirlar yordamida amalga oshirishni taklif etadi.
O‘lchash asboblari bir-biridan ustki ko‘rinishi, ishlash tartibi, ishlash uslubi, o‘lchash birliklari bilan farqlanadi.
Qo‘shimcha o‘lchash asbob-uskunalarga ta’lluqli bo‘lgan o‘lchash vositasi - o‘lchashga ta’sir qiluvchi metrologik cho‘zilishga boshqa vosita o‘lchovini qo‘llashdan va tekshirishdan iboratdir. Tajriba ishlarini olib borishda bitta o‘lchash asbobi etmay qolishi mumkin, shunda bir qancha o‘lchash asboblaridan foydalaniladi. Bunga monand kompleks o‘lchash asboblari deyiladi. O‘lchash asboblari boshqa bir o‘lchash vositalarini tekshirish uchun ishlatiladi, bunga tekshirish qurilmasi deyiladi.
O‘lchash tizimi o‘lchash qurilmasidan farq qilib, ular o‘lchash ma’lumotli signalini ma’lum bir shakl asosida ishlab chiqish uchun ishlatiladi, natijada olingan natijalarni avtomatik ravishda qayta ishlash uchun qulay bo‘ladi.