1-mavzu. “O‘lchash asboblarini konstruksiyalash” faniga kirish. Reja

1-mavzu.

“O‘lchash asboblarini konstruksiyalash” faniga kirish.

Reja:

1. 
   Kirish.
   
2. 
   “O‘lchash asboblarini konstruksiyalash” fanning maqsad
   va vazifalari.
   
3. 
   O‘lchash vositalarining turlari va rivojlanish tendensiyasi.
   

1. 
   Kirish.
   

Mamlakatimizda jadal sur’atlar bilan rivojlanayotgan fan texnika taraqqiyoti aqliy va jismoniy mehnatni bir-biriga yaqinlashtirishni, ya’ni ular o‘rtasidagi farqni bartaraf qilishni taqozo etadi. Ishchilar mehnati tobora injenerlik-texnik xarakter kasb etayotgani, ratsionalizator

va ixtirochilarning saflari o‘sib, ular kiritayotgan takliflarning samaradorligi ortayotganligi buning yaqqol ifodasidir.
Xozirgi sharoitda talabalarga politexnik ta’lim berishda, avvalo tabiiy-ilmiy sikldagi predmetlarda o‘rganiladigan umumiy qonunlari, xozirgi ishlab chiqarishning asosiy tarmoqlari xaqida, eng tipik mashinalar, mexanizmlar, apparatlar va o‘lchash asboblarining tuzilishi hamda ishlash prinsiplari, shuningdek ulardan amalda foydalanish haqida, asosiy materiallar va ularni qo‘llash, eng tipik texnologik jarayonlar haqida umumiy, ilmiy bilimlar va mehnatni ilmiy asosda tashkil qilish xaqida umumiy ma’lumotlar berishdan iboratdir. Ana shu vazifalar o‘lchash asboblari va jihozlarini texnik konstruksiyalash va zamonaviy texnika namunalarini modellashtirish jarayonida muvaffaqiyatli amalga oshirilishi mumkin.
Talabalar zamonaviy o‘lchash texnikasi namunasi sifatidagi yangi o‘lchash asboblarini yasashda xozirgi sanoat ishlab chiqarishiga xos konstruktorlik, texnologik va ishlab chiqarish faoliyatining asoslarini o‘rganadilar.
O‘lchash asboblarini konstruksiyalash jarayonida turli texnologik operatsiyalar o‘zlashtiriladi; metallar va metalmas materiallarning har xil turlari o‘rganiladi; zamonaviy o‘lchash texnikasining haqiqiy namunalari tuzilishi va ishlashning asosiy prinsiplari tushuniladi, amaliy faoliyat jarayonida esa umumtexnikaviy fanlari bo‘yicha olingan bilimlar mustahkamlanadi.
O‘lchash asboblarini konstruksiyalashda mexanizmlarni yaratish jarayoni bilan, shuningdek yuksak darajada rivojlangan zamonaviy ishlab chiqarishning eng ilg‘or yo‘nalishlari: ishlab chiqarishdagi standartlashtirish
va unifikatsiyalash, mehnatni ilmiy asosda tashkil etish bilan; detallarni tayyorlash va o‘lchash asboblarini yig‘ish texnologiyasi bilan; turli materiallardan ratsional foydalanish bilan mufassalroq tanishish imkoniyatini yaratadi.