|
Савдо хизматлари соҳасидаги устуворликлар:
1. Савдо хизмат кўрсатиш даражасини ошириш;
2. Хизматлар инфратузилмаси кенг бўлган универсал ва ихтисослашган бозорларда савдо-сотиқ тармоғини ривожлантириш;
3. Майда чакана савдони тартибга солиш бўйича чора-тадбирларни амалга ошириш.
Кўпинча турғун савдо корхоналари билан таъминланмаган турар жой мавзеларида ер участкаларини ажратишни, кейинчалик уларни савдо залларига эга мажмуаларга айлантиришни назарда тутувчи майда чакана савдони тартибга солиш бўйича чора-тадбирлар кўриш.
4. Терминал ва контейнер технологиялардан фойдаланган ҳолда логистикани ривожлантириш принциплари.
Терминал ва контейнер технологиялардан фойдаланган ҳолда логистикани ривожлантириш принципларига асосланган ҳолда товар ҳаракатланишини такомиллаштириш.
Натижада савдо хизматлари 2018-2030 йилларда 2,5 баравар ошади.
Кўчмас мулк билан боғлиқ хизматлар соҳасидаги устуворликлар:
1. Риэлторлик фаолиятини тартибга солиш механизмини яратиш, давлатнинг ваколатларини риэлторлар профессионал бирлашмаларига қисман ўтказиш;
2. Кўчмас мулк билан операцияларни тартибга солиш, кўчмас мулк билан боғлиқ соҳани тартибга солишга, ҳудудларни уни янада ривожлантиришга қаратилган норматив ҳужжатларни такомиллаштириш орқали кўчмас мулк билан боғлиқ фаолиятни легализациялаш.
Натижада 2018-2030 йилларда кўчмас мулк билан боғлиқ хизматлар 2,4 баравар кўпаяди.
Туризм соҳасида
Туризм соҳасида тармоқ соҳасини ислоҳ қилиш, туристик тармоқни тартибга солиш бўйича қонун ҳужжатлари базасини такомиллаштириш давом эттирилади. Фақат 2018-2019 йилларда тармоқни тартибга солиш бўйича 20 дан ортиқ норматив-ҳуқуқий ҳужжат қабул қилинди. Туристик ташкилотлар сони 75 фоизга ошди, кириш ва ички туризмни ривожлантириш бўйича 147 та тадбир амалга оширилди. Жойлаштириш воситалари сони 2018 йилда 142 тага кўпайди ва 914 тани ташкил этди.
Жами ислоҳотлар даврида 64 та мамлакат учун визасиз режим ўрнатилди, 54 та мамлакат учун транзит виза ўрнатилди, барча мамлакатлар 16 ёшдан кичик шахслар учун визасиз киришга эга бўлади.
“E-visa” тизими фаолият кўрсатмоқда, у орқали 76 та мамлакат фуқаролари электрон визалар олиши мумкин. 101 та давлатнинг транзит йўловчилари учун Ўзбекистоннинг халқаро аэропортлари орқали мамлакатга визасиз кириш тартиби жорий этилди.
Хорижий туристлар вақтинчалик рўйхатдан ўтганлик учун жавобгарликдан озод этилган (хорижий фуқаро таклифсиз мустақил келиши ва жойлаштириш воситаларида яшамаслиги мустасно). Ҳозирги вақтда хорижий фуқарони вақтинча рўйхатга олиш учун жавобгарлик таклиф қилган (қабул қилувчи) шахсларнинг зиммасига ва жойлаштириш воситаларига юкланади.
2018 йилда туристик даражадаги 133 та автотранспорт воситаси (48 та автобус ва 85 та микроавтобус) харид қилинди.
Туристик фаолиятга лицензия бериш учун ҳужжатларни кўриб чиқиш муддатлари 15 кундан 10 кунгача қисқартирилди.
Хусусий сектор меҳмонхоналарида хорижий туристларни жойлаштириш имконияти яратилди, хизматларни сертификатлаш бўйича талаблар бекор қилинган ҳолда оилавий меҳмонхона уйларни ташкил этиш тартиби соддалаштирилди.
Туристик маҳсулотларни диверсификациялашни давом эттириш мақсадида Ўзбекистон Республикаси Вазирлар Маҳкамасининг қарори билан экотуризмни ташкил этиш учун сув омбори очилди. Андижон, Жиззах, Қашқадарё, Наманган, Самарқанд, Сурхондарё, Тошкент ва Фарғона вилоятларида жойлашган 18 та сув омборида экотуризм ташкил этиш назарда тутилди. Зиёрат туризмини ривожлантириш ва Жануби-Шарқий Осиёда, жумладан, Индонезия, Малайзия ва Сингапурда мамлакат салоҳиятини тарғиб қилиш мақсадида 2018 йил 28 октябрдан бошлаб ҳафтасига 2 марта Куала-Лумпур-Тошкент рейслари билан туташган “Тошкент-Жидда” авиарейслари очилди.
Аввал жорий этилган қатор чекловлар олиб ташланди, масалан, тунги вақтда туристик автобус ҳаракатланишига қўйилган тақиқ бекор қилинди.
Тошкентда Йирик инвестиция лойиҳалари – “Амирсой” тоғ-чанғи мажмуаси, гольф-клуби ва гольф-академияси, “Учта шаҳар мажмуаси, ЕТТБ билан Хоразм вилоятида маданий мерос объектларини сақлаш бўйича қўшма лойиҳа амалга оширилмоқда, Бухоро шаҳрида 1 150 ўринга мўлжалланган учта меҳмонхона реконструкция қилинди.
Тармоқнинг инвестиция салоҳиятини янада ривожлантириш мақсадида Франция компаниялари “Чорвоқ” эркин туристик зонасини ривожлантиришга жалб қилинди.
Туркиянинг IdeallST компанияси билан Хоразм, Наманган ва Сурхондарё вилоятларида 295 минг долларлик учта кластер ташкил этиш учун шартномалар имзоланган.
Хорижий ва мамлакатимиз инвесторлари билан умумий қиймати 600 млн. долларлик инвестиция таклифлари ишлаб чиқилган.
Кўрилган амалий чора-тадбирлар натижасида туристлар оқими 2018 йилда қарийб 5,3 млн. кишини ташкил этди, бу эса 2017 йилнинг шундай давридаги кўрсаткичлардан икки баравар ортиқ (2,69 млн.). 31-55 ёшдаги ёш туристлар оқими ошди. Ички туризм бўйича сафарлар сони 1 миллиондан ошди, шу жумладан, Касаба уюшмалари федерацияси кенгаши томонидан 0,3 млн., Ёшлар иттифоқи томонидан 0,2 млн., “Маҳалла” фонди томонидан 0,1 млн., жамоат ва диний ташкилотлар томонидан 0,1 млн., тадбиркорлик субъектлари томонидан 0,2 млн. сафар ташкил этилди.
Шу билан бирга, тармоқда ҳал этилмаган муаммолар етарли:
Туристик тармоқнинг норматив базасини такомиллаштириш талаб этилади, туристик хизматлар, шу жумладан, меҳмонхона хизматлари кўрсатиш қоидаларини ишлаб чиқиш ва тасдиқлаш зарур, овқатланиш ва транспорт объектларини таснифлаш бўйича стандартлар ишлаб чиқилмаган;
Республикада меҳмонхонадаги хоналар фонди етарли эмас;
Ҳаво алоқалари сони етарли эмас, йўловчиларни ташиш тарифлари баланд ва рақобатбардош эмас;
Зиёрат, тиббий, гастрономик, қишлоқ (фермер) каби туризм хизматларини диверсификациялаш даражаси паст;
Миллий туристик бренд шаклланмаган;
Туристик салоҳият, хорижий туристларнинг республикада бўлиш шартлари тўғрисидаги хорижий туристлар учун ахборот етарли эмас;
Ички туризм суст ривожланмоқда;
Туризм соҳасида малакали кадрлар етишмаслиги қайд этилмоқда, бу туризм соҳасидаги узлуксиз таълимнинг комплекс кўп даражали тизими мавжуд эмаслиги, эскирган ўқув режалари ва дастурларидан фойдаланиш билан изоҳланади, ўқитишни методик таъминлаш даражаси жаҳон стандартларидан ортда қолмоқда.
Do'stlaringiz bilan baham: |
