1-Мавзу. Кенг қўламли ислоҳотларни амалга ошириш, аҳоли фаровонлигини оширишда хизмат кўрсатиш соҳасининг ўрни ва роли

Транспорт соҳасидаги муаммоларни ҳал қилиш йўллари:

1. 
   ЯИМ ўсгани сайин транспортнинг узлуксиз ишлаши ошади, юклар ва йўловчиларни ташишга сафраланадиган харажатлар камаяди;
   
2. 
   Транспорт хизматларидан фойдаланиш имконияти ва сифати, юк ва йўловчиларни етказиш тезлиги ошади, бу эса жамоатчиликнинг вақти тежалишига олиб келади;
   
3. 
   Транспортнинг экологик тоза турларидан устувор фойдаланиш экологияни тегишли ҳолатда сақлаш имконини беради;
   
4. 
   2030 йилгача транспортни бошқариш тизимининг ўз вақтида ислоҳ қилиниши транспорт мажмуини ривожлантиришга тизимли ёндашув таъминланиши туфайли турли транспорт турлари ўзаро алоқаси, мувофиқлаштирилиши ва ишлаши яхшиланишига олиб келади;
   
5. 
   Ташқи иқтисодий алоқаларни транспорт билан таъминлаш, мамлакатнинг транзит ва экспорт салоҳиятини амалга ошириш давом эттирилади.
   

Транспорт орқали иқтисодиётнинг барқарор, мустаҳкам ривожланишини таъминлаш, унинг рақобатбардошлиги, халқ фаровонлиги ва турмуши сифатини ошириш транспорт инфратузилмасини ривожлантиришнинг стратегик мақсади ҳисобланади:
Ўртача муддатли истиқболда (2019-2025 йиллар)
1. Ўзбекистон Республикасида ягона транспорт тизимини яратиш, маъмурий тўсиқларни йўқ қилиш, транспорт ривожидаги номутаносибликларни бартараф этиш.
2. Автобус саройининг эскирганлик коэффициентини 3 баравар камайтириш.
Узоқ муддатли истиқболда (2030 йилгача)
3. Оммавий жамоат йўловчи транспорти хизматларининг ишончлилиги ва қулайлигини ошириш.
4. Мақбул тариф сиёсатини қўллаган ҳолда темир йўл ва ҳаво транспорти хизматларининг рақобатбардошлигини ошириш.
5. Ҳаракатланадиган таркиб паркларини ва транспортнинг техник воситаларини ривожлантиришда, айниқса ички ташишларни амалга оширишда инновацион ривожланишни ошириш.
6. Экологик параметрлар бўйича транспорт иши самарадорлигини ошириш.
7. Барча учун ресурслардан арзон ва тенг ҳуқуқли фойдаланиш имкониятини таъминлашга алоҳида эътибор берган ҳолда иқтисодий ривожлантиришни ва одамлар фаровонлигини қўллаб-қувватлаш мақсадида сифатли, ишончли, барқарор ва мустаҳкам инфратузилмани, шу жумладан, ҳудудий ва трансчегаравий инфратузилмани ривожлантириш.
8. Аҳолининг ижтимоий заиф қатламлари эҳтиёжларига алоҳида эътибор берган ҳолда йўл ҳаракати хавфсизлигини ошириш, жумладан, жамоат транспортидан фойдаланишни кенгайтириш асосида хавфсиз, арзон, қулай ва экологик барқарор транспорт тизимларидан фойдаланишни таъминлаш.
9. Ўзбекистон Республикасининг чегара ҳудудларида транспорт-логистика хабларининг улгуржи-тақсимлаш тармоқларини яратиш, товар ҳаракатланишини ташкил этишда транспорт-логистика инфратузилмаси ролини ошириш, ҳар бир вилоятда йирик логистика марказларини яратиш.
Яшаш, овқатланиш, кўчмас мулк билан боғлиқ савдо хизматлари соҳасида
2016-2018 йилларда яшаш ва овқатланиш хизматлари 1,4 бараварни ташкил этди, савдо хизматлари бўйича ўсиш 1,3 бараварни, кўчмас мулк билан боғлиқ хизматлар бўйича 1,3 бараварни ташкил этди.
2018 йил 1 январь ҳолатига кўра 533,6 мингта ўриндиқли 12,8 мингта умумий овқатланиш корхонаси, шу жумладан, шаҳарларда жойлашган 439,6 мингта ўриндиқли 10,7 мингта корхона ва қишлоқ жойларда жойлашган 8,1 мингта ўриндиқли 2,1 мингта корхона тўғри келади.
2018 йил 1 январь ҳолатига кўра 819,4 минг квадрат метрга 27,8 мингта озиқ-овқат дўкони, 2325,7 минг квадрат метрга 48,9 мингта ноозиқ-овқат дўкони, 957,8 минг квадрат метрга 33 мингта аралаш дўкон тўғри келади. Савдо соҳасида 4 мингдан ортиқ дўконча фаолият кўрсатмоқда.
2018 йил 1 январь ҳолатига кўра 20 минг квадрат метрга 767 та меҳмонхона ва шунга ўхшаш маскан, шу жумладан, 17,7 минг квадрат метрга 767 та меҳмонхона тўғри келади.
2018 йил 1 июль ҳолатига кўра лицензияга эга риэлторлик ташкилотлари сони 272 тани, шу жумладан, кўчмас мулк объектлари билан битим тузган ва уларга эгалик қилиш ҳуқуқларини қўлга киритган воситачилик қилувчи риэлторлик ташкилотлари сони 111 тани, кўчмас мулк объектлари савдоларини ташкил этиш ва уларга эгалик ҳуқуқларини қўлга киритган риэлторлик ташкилотлари сони 118 тани, кўчмас мулк объектларини ишончли бошқарувчи риэлторлик ташкилотлари сони 19 тани, кўчмас мулк бозорида ахборот ва маслаҳатлари хизматлари кўрсатувчи риэлторлик ташкилотлари сони 24 тани ташкил этди.