1-маъруза. Мавзу: Хусусий микробиология. Йирингли- яллиғланиш ва жарохат юқумли касалликларини келтириб чиқарувчи микроорганизмлар

Лаборатория ташҳиси. Микробиологик ташҳисда йиринг, шиллиқ қават ажралмаси балғам, сийдик, қон, қусуқ, меъданинг чайинди суви ва нажас, шунингдек, овқат маҳсулотлари текширилади.
Микробиологик ташҳис:
Бактериоскопик
Бактериологик
Биологик
Бу усуллар ёрдамида ажратиб олинган стафилококкларнинг морфологик, культурал, биокимёвий ва вирулентлик каби асосий хусусиятлари ўрганилади ва турлари аниқланади.
Бактериоскопик: бунинг учун аввал йирингдан суртма тайёрланади, Грам усулида бўяб, микроскоп остид кўрилади.Узум шингилига ўхшаш жойлашган ва граммусбат бўялган кокклар топилса, демак стафилококк борлиги аниқ бўлади. Бактериологик: стафилококкнинг тури ва патогенлик хусусиятларини аниқлаш учун текширилаётган йирингни Петри косачасидаги тухум сариғи ва тузли, сут-тузли, қонли агар экилади. Агар беморда сепсис гумон қилинса, ташҳисни аниқлаш учун бемордан 8-10 мл қон олиб, қандли бульонга экилади.Ажратиб олинган стафилококкларнинг фаготиплари ўрганилади. Бунда стандарт фаглардан фойдаланилади.
Беморларни тўғри даволаш учун ажратиб олинган стафилококклар соф культураларининг антибиотикларга чидамлилиги текширилади.
Ҳозирги вақтда диогностикада жуда сезгир ҳисобланган иммунофермент (ИФУ) ва ПЗР усуллари тиббиётда кенг қўлланила бошланди.
Даволаш. Стафилококк касалликларини даволашда, асосан, уларга таъсирчан антибиотиклар кенг қўлланилади. Шу билан бирга организм заҳарланишини камайтириш ҳамда организмнинг иммунобиологик ҳимоя кучини оширишга аҳамият бериш лозим. Сурункали ва оғир йирингли стафилококк касалликларини даволашда махсус биологик препаратлардан: кўп валентли стафилококк вакцинаси, аутовакцина, стафилококк, анатоксинига қарши зардоб, стафилококка қарши иммуноглобулин, стафилококк бактериофаги қўлланилади.
Касалликнинг олдини олиш. Касалликнинг олдини олиш учун умумий чоралар: иш ва уй шароитида соғлом муҳит яратиш, витамин танқислиги ва турли жароҳатларнинг олдини олиш, касалхона ичи штаммларини йўқотиш, шунингдек, консерва заводлари, кондитер фабрикаларида санитария-гигиена қоидаларига ҳамда шахсий гигиенага риоя қилиш кабилар киради. МАҳсус олдини олишда стафилакокк анатоксини қўлланилади, лекин иммунитет фақат биринчи фаг билан лизисга учравчи стафилакоккларга қарши пайдо бўлади. Шунинг учун стафилакоккларга қарши тўла қимматли вакцина олиш ҳозирги замон тиббийётини долзарб муоммаларидан бири хисобланади.