1-маъруза. Мавзу: Хусусий микробиология. Йирингли- яллиғланиш ва жарохат юқумли касалликларини келтириб чиқарувчи микроорганизмлар

Лаборатория ташҳиси. Бунинг учун бактериологик ва серологик усуллардан фойдаланилади. Ревматизмда стрептококкларнинг соф куль-турасини ажратиб олиш билан ташхис қўйилади. Бунинг учун беморнинг томоғидан патологик материал олиниб, суртма тайёрланади ва Грам усулида бўялиб, микроскоп остида кўрилади. Олинган материал қандли агарга ҳам экилади.
Серологик усуллар ёрдамида бемор қонидан стрептококк токсини ва ферментларга қарши антителолар: антистрептолизин, антифибринолизин, антидезоксирибонуклеаза, антистрептокиназа, антигиалуронидазалар топилиб, уларнинг титри аниқланади. Агар юқорида санаб ўтилган антителоларнинг қондаги титри ортиб борса, бу стрептококк касаллиги, яъни ревматизм эканлиги аниқ исботланади.
Даволаш. Ревматизм билан оғриган беморларни даволаш учун комплекс чоралар кўрилади. Бемор организмидаги аллергик ҳолат ва яллиғланиш жараёнларини камайтириш лозим. Организм реактивлиги ва унинг касалликка қарши курашиш қобилиятини ошириш керак. Ревматизм кўпинча куз ва баҳорда учрайди, чунки у фаслларда ўткир ва сурункали тонзиллит, фарингит, ангина ва юқори нафас йўлининг катарал касалликлари кўпаяди.

Кўк йиринг таёқчаси (Pseudomonas aerogenosa):
Морфологияси- таёкчасимон, хифчинлари бор (амфитрих), грам манфий, спора ва капсуласи йук.
Ўсиши- оддий муҳитларда ўсади. Колониялари майда, ялтирок, S-колониялар ҳосил қилади. Ароматик модда ажратади (ўткир жасмин ҳиди) ва пигмент ҳосил қилади (пиоционин).
Ферментатив хусусияти бўйича актив эмас.
Ташқи мухитда чидамлиги- жуда чидамли (айниқса, куйган ярада яхши яшайди ва кўпаяди).
Касалликнинг одамлардаги патогенези. Касаллик патогенезида ажратадиган агрессив ферментлар ва микробнинг ўзи ҳам муҳим аҳамиятга эга. Қўзғатадиган касалликлар жуда хилма-хил бўлиб, буларга ангина, сурункали тонзиллит, шикастланиш инфекциялари, тери ва тери ости ёғ қавати йирингли касалликлари, флегмона, сепсис, нефрит, цистит, холецистит, ревматизм, йирингли отит, мастоидит, эндометрит ва бошқалар киради.