1-маъруза. Кириш. Фан мақсади, вазифаси ва долзарблиги

10.5-расм. IMS учта таркибий технологиялар бирлашмаси

Шу тарзда, IMS технологиясини батафсил ўрганиб чиқиб, ушбу технологияларнинг тавсифини келтириш ўринлидир.

Бу ерда IMS таҳлилини қуйида кўриб чиқиладиган мавзуларга киритиш мумкин:

• 
  IMS структураси ва бошқарув тизимини қатламларга ажратиш;
  
• 
  IMS ички ва ташқи интерфейслари;
  
• 
  IMS тармоғида сигнализация тизими.
  

10.4. IMS структураси ва бошқарув тизимини қатламларга ажратиш

IMS технологиясининг ички архитектурасини тадқиқ қилишнинг энг содда йўли соддан мураккабга қараб ҳаракатланишдан иборат. Биринчидан, IMS технологияси NGN технологиясининг ва бошқарув тизимларини қуриш соҳасида барча ишланмаларнинг вориси эканлигини тан оламиз. Ушбу мерос доирасида IMS структураси бўйича кўплаб ечимлар тушунарли бўлади.

IMS технологиясининг структураси IMS концепциясини учта асосий сатҳга ажратишни назарда тутади (10.6-расм):

1. 
   Кириш сатҳи – унга IMS учун ташқи бўлган технологиялар VoIP, Wi-Fi, сотали тармоқлар MSC, анъанавиц телефон тармоқларининг сегментлари ва бошқалар киради;
   
2. 
   Тармоқни бошқариш сатҳи – унга CSCF бошқарув ядроси, медиа-шлюзлар ва HSS тизимостиси киради;
   
3. 
   Иловалар (ёки хизматлар) сатҳи –унга турли серверлар иловалари, тармоқларни бошқариш тизимли шлюзлар OSS/BSS, шунингдек, SDP (Session Description Protocol – сессияларни бошқариш протоколи) асосидаги ечимлар синфи киради.
   

10.6-расмдан кўриниб турибдики, IMS технологиясининг уч қатламга бирламчи ажратилиши NGN нинг бизга таниш бўлган қурилиш тамойилларидан иборат. Биринчидан, бундай ажратиш NGN SCTA классификацион моделига мувофиқ келади, транспорт тармоқ сатҳи бундан истисно. Иккинчидан, кириш ва бошқарув сатҳлари ўртасидаги бевосита алоқа сатҳлараро конвергенциянинг кейинги авлоди бўлиб, у ҳақда 2.3.4 бўлимда тўхталиб ўтилди. Учинчидан, тармоқни бошқариш ва иловалар сатҳларини ажратиш IN концепциясининг кейин авлоди бўлиб, AS ечимларининг алоҳида синфи сифатида ажратиш эса Softswitch технологиясининг замонавий ривожланиш босқичига мувофиқ келади.
Умумий кўринишда IMS технологияси кириш сатҳини ўз ичига олмайди, аммо IMS анъанавий ва замонавий киришнинг барча турларини хизматлар билан таъминлаши керак бўлганлиги сабабли, IMS технологиясига кириш тармоқларини мослаштириш сатҳости киритилган. Шу тарзда, уч сатҳли IMS модели ҳақида гап борганида кириш тармоқларини адаптация қилиш ечими назарда тутилади. Одатда, кириш тармоқларини адаптация қилиш сатҳи ечимлари Softswitch технологиясидан канал шлюзлари (TG) ва кириш шлюзлари (AG) асосида қурилади.
Тармоқни бошқариш одатда икки сатҳостига ажратилади (10.7-расм): сессияларни бошқариш ва сифатни бошқариш. Биринчи навбатда бундай ажратиш ўз вақтида SDC нинг пайдо бўлишига олиб келган хизматларнинг сифатини таъминлаш масаласини ҳисобга олиш зарурияти билан боғлиқ. Натижада, IMS нинг замонавий қатламларига сифатни бошқариш сатҳостини шакллантирган SBC ва унга эквивалент бўлган қурилмалар киритилди. Қолган барча қурилмалар сессияларни бошқариш сатҳостига чиқарилган.
Таъкидлаш жоизки, келтирилган структуравий қурилишлар фақатгина IMS нинг ғоясини акс эттириб, қонуний тарзда ўрнатилган структура бўлиб ҳисобланмайди. Шу билан IMS технологиясини ишлаб чиқарувчилар демократик тенденцияларни технологияни ривожлантиришдан чегараламайдилар. Охир оқибатда, бундай тизимларнинг ғояси сақланиб қолиши учун IMS тизимини қуришнинг ҳар қандай структуравий вариантлари таклиф қилиниши мумкин.
IMS технологиясининг энг аҳамиятли аспекти унинг турли тармоқларни бошқаришнинг горизонтал структурасидан фарқли равишда вертикал структурасидир. Ушбу масала 2.5 да бошқарув стратегиясининг ўзгариши мисолида муҳокама қилинди. IMS технологиясининг ғояси симли ва симсиз тармоқларни, турли хизматлар ва иловаларни бирлаштириш ва ушбу симбиозни клиент учун максимал равишда эгилувчан, персоналлаштирилган ва оператор учун тармоқни назорат қилиш учун қулай қилишдир. Ушбу концепция тармоқларнинг замонавий босқичдаги уникал ролини аниқлайди – бу ҳозирда тармоқларни конвергенция қилиш билан боғлиқ бўлган барча жараёнлар учун таянчдир. Конвергент кириш тармоғи ҳар қандай фойдаланувчилар бир неча технологиялар, операторлар ва тармоқларни танлаши мумкин бўлганида тармоқ ва унинг хизматларини бошқаришни таъминловчи бошқарув тизими мавжудлигини англатади.
Келажакда кириш тармоқлари ўзаро конвергенция қилиниб, кириш технологиялари объектив тарзда унификация қилинади. Ушбу босқичда IMS платформасининг мавжудлиги, шунингдек, киришни адаптация қилиш воситаларини бирлаштириш ва тармоқларни хизматлар босқичида конвергенция қилиш имконини беради ва кириш туридан мустақил равишда фойдаланувчи ўзига керак бўлган хизматлар пакетини қабул қилади.
IMS платформасининг келтирилган концепция ва структуравий модели содда бўлиб туюлади, аммо IMS етарлича мураккаб тизимдир. IMS тизимининг ички қурилишига назар солинса, бевосита техник ечимлар ҳақида гап борганида глобал конвергенция ғояси унчалик содда эмаслиги аниқдир.