1. Industrial iqtisodiyot” fanining ob’ekti sanoatning ta’rifi va tavsifi

Mashinasozlik va metallni qayta ishlash sanoati - iqtisodiyot uchun mashina va mexanizmlar, jihozlar, agregat va apparatlar, asbob-uskunalar, madaniy-maishiy mollar, shuningdek, mudofaa ahamiyatiga ega bo‘lgan mahsulotlar ishlab chiqaruvchi og‘ir sanoat tarmoqlari majmuidir. Ushbu sanoat butun xalq xo‘jaligini texnika bilan ta’minlashda moddiy asos hisoblanadi. Fan-texnika taraqqiyoti, xalqning moddiy-madaniy farovonligi va mamlakat qudrati mashinasozlik sanoati taraqqiyotiga bog‘liq. Uning ahamiyati, eng avvalo, fan-texnika yutuqlarini ishlab chiqarishga va insonlar hayotining barcha sohalariga joriy etish asosida qo‘l mehnatini mashina mehnatiga aylantirish, engillashtirish, mashinani mashina bilan yaratish, tejamkorlikni ta’minlash va mehnatning mazmuni va xarakterini o‘zgartirishdan iborat. Mashinasozlik sanoati mahsulot sifatini yaxshilash, ishlab chiqarishning samaradorligini yuqori darajaga ko‘tarishga imkoniyat yaratadi.
Mashinasozlik va metallni qayta ishlash sanoati respublika sanoat tarmoqlari orasida yuqori o‘rinlarda turadi (4-jadvalga qarang). O‘sish sur’atlari bo‘yicha ham bu tarmoq yuqori o‘rinni egallaydi. Bu holatni
8-jadvalda keltirilgan ma’lumotlardan ko‘rish mumkin.
8 – jadval
O‘zbekistonda sanoat mahsuloti, jumladan, mashinasozlik
mahsuloti xajmining o‘sishi, %

Ko‘rsatkichlar	2015y	2015y	2020y
Jami sanoat	6,4	8,5	7,9
SHu jumladan: mashinasozlik va metallni qayta ishlash	10	12,8	13,0

*Manba: O‘zbekiston Respublikasi Davlat statistika qo‘mitasi ma’lumotlari
Hozirgi kunda mashinasozlik sanoatining 10dan ortiq tarmog‘i mavjud.
Ular qatoriga avtomobilsozlik, samolyotsozlik, traktorsozlik va qishloq xo‘jalik mashinasozligi, elektrotexnika va vagonsozlik, asbobsozlik va kabelsozlik kabi yirik tarmoqlar kiradi.
Mustaqillik yillarida mashinasozlik sanoati korxona­lari tomonidan ishlab chiqarilayotgan mahsulotlarning hajmi va turlari keskin o‘zgardi. Uni 8-jadvalda keltirilgan raqamlardan ham ko‘rish mumkin.
9-jadval