1. Industrial iqtisodiyot” fanining ob’ekti sanoatning ta’rifi va tavsifi

O‘zbekiston mashinasozlik sanoatida muhim mahsulot turlari

Ko‘rsatkichlar	O‘lchov birligi	2010y	2015y	2020y
Avtomobillar	ming dona	31,3	220,3	239,9
Avtobuslar	Dona	483	1268	1100
Traktorlar	ming dona	1,0	2,8	1,8
Kuchlannsh transformatorlari	ming kvt	134,0	1879,3	6093,4
Maxsus elektrik ko‘prik kranlari	Dona	12	23	23
Akkumulyatorlar	ming dona	24,0	411	542,9

*Manba: O‘zbekiston Respublikasi Davlat statistika qo‘mitasi ma’lumotlari
Ushbu sanoat tarkibida metallni qayta ishlash sohasi ham mavjud bo‘lib, bu soha o‘z navbatida, metall buyumlar tayyor­lash, metall kostruksiyalar hamda mashina va asbob-uskunalar ta’miri tarmoqlaridan iborat. Bunday faoliyat bilan 2,5 mingdan ortiq korxona shug‘ullanmoqda.
Qurilish materiallari sanoati. Respublika qurilish materiallari ishlab chiqaradigan ko‘p tarmoqli sanoatga ega. Sement, asbest-sement, devorbop materiallar, yumshoq yopqich va gidroizolyasiya materiallari, tabiiy toshlardan qoplama material (plita)lar, noruda qurilish materiallari, qurilish keramikasi, issiqlik izolyasiyasi materiallari, ohak, gips, bog‘lovchi materiallar va ulardan buyumlar, sanitariya-gigena jihozlari, polimer xom ashyodan qurilish materiallari va buyumlar, temir-beton konstruksiyalari va boshqa ishlab chiqarish tarmoqlari mavjud. O‘zbekistonda tabiiy xom ashyodan qurilish materiallari sifatida foydalanish tarixi uzoq o‘tmishga borib taqaladi. Ayniqsa, binolar qurilishida xom g‘isht, guvala, yog‘och sinch, oddiy tuproq(loy)dan tiklanadigan paxsa asrlar davomida asosiy qurilish materiali bo‘lib kelgan. Xumdonlarda pishirilgan g‘isht, sopol, chinni koshin, ganch, yo‘nilgan granit, marmar toshlar saroy, madrasa, masjid, rabotlar qurilishida keng qo‘llanilgan.
Hozirgi davrda ushbu tarmoq korxonalarida 500 dan ortiq nomdagi mahsulot turlari tayyorlanadi. Jumladan, 2016 yilda 6,8 mln. tonna sement, 1365 mln. dona devorbop materiallar, 7,4 mln. m² deraza oynalari ishlab chiqarilgan.
Engil sanoat. Hozirgi davrda O‘zbekiston engil sanoati ko‘p tarmoqli industrial kompleks bo‘lib, uning tarkibida paxta tozalash zavodlaridan tashqari, to‘qimachilik, trikotaj, shoyi to‘qish, tikuvchilik, ko‘npoyabzal, gilamchilik, chinni-fayans buyumlari va attorlik mollari ishlab chiqarish sohalarida 300 ta yaqin yirik korxonalar bor. Respublika sanoat mahsulotlari umumiy hajmida engil sanoat hissasi 13,0 % ni tashkil etadi. Bu tarmoqda 145 mingga yaqin xodim ish bilan band. Engil sanoat tarmog‘i faoliyatining asosiy ko‘rsatkichlari 9-jadvalda keltirilgan.
Oziq-ovqat sanoati. Sanoatning bu tarmog‘i asosan xom ashyoni qayta ishlashga asoslangan. Uning korxonalarida go‘sht va go‘sht mahsulotlari, yog‘-moy, sut va sut mahsulotlari, shakar, non va non mahsulotlari, makaron, meva-sabzavot konservalari, qandolat, choy qadoqlash, uzum va shampan vinosi, spirt, aroq, pivo, chanqoqbosar ichimliklar, tamaki, sovun va boshqa mahsulotlar ishlab chiqaradigan ko‘plab sanoat korxonalari faoliyat ko‘rsatmoqda.
Oziq-ovqat sanoatida 2001-2016 yillarda erishilgan daraja haqida quyidagi jadvalda keltirilgan ko‘rsatkichlar orqali muayyan tasavvurga ega bo‘lish mumkin.