|
Tadqiqotning nazariy va amaliy ahamiyati.
Tadqiqot natijalarining nazariy ahamiyati boshqaruv tizimida inson kapitalini rivojlantirish asosida ishlab chiqilgan taklif va tavsiyalarning uslubiy yondashuvlarni hamda ishlab chiqarishda mehnat resurslari salohiyatini boshqarish samaradorligini oshirish bo'yicha uslubiy asoslarnin takomillashtirishda foydalanish mumkinligi bilan izohlanadi.
Tadqiqotning amaliy ahamiyati ulardan mamlakatimiz boshqaruv tizimida inson kapitalini rivojlantirish va inson omilini yanada rivojlantirish bo'yicha qabul qilinayotgan chora-tadbirlar majmuini ishlab chiqishda foydalanish mumkinligi bilan izohlanadi.
Tadqiqotning ilmiy yangiligi:
- innovatsion faoliyatni boshqarishda inson kapitalining shakllanishi va rivojlanish jarayonlari nazariy jihatdan tadqiq qilingan;
- inson kapitaliga kiritiladigan investitsiyalar miqdorini tartibga solish va uning imkoniyatlarini oshirish yo'nalishlari ilgari surilgan;
- inson kapitalini rivojlantirishning ishlab chiqarish omili sifatida samarali va oqilona amal qilishini ta'minlash vositalari ko'rsatib berilgan;
- inson kapitali hamda institutsional muhitning o'zaro bog'liqligini mazmunan va tarkibiy jihatdan tadqiq etish va talqin qilishga kompleks hamda tizimli yondashuv taklif qilingan;
- inson kapitali sifatining oshishi, ishlab chiqarish va xizmat ko'rsatish sohalarida insonning intellektual va ijodiy salohiyati kabi xususiyatlar bilan aniqlanadigan innovatsion rivojlanish strategiyasi bo'yicha taklif va tavsiyalar ishlab chiqilgan.
Mavzu bo’yicha qisqacha adabiyotlar tahlili:
Boshqaruv tizimida inson resurslari va inson omilini rivojlantirishga oid nazariy tadqiqotlar G.Emerson, A.Fayol, A.G.Maslou, D.Mak-Gregor, G.Gant va boshqa menejment fanining klassik namoyondalari tomonidan olib borilgan. Nobelь mukofoti laureatlari T.Shulьts, U.A.Lьyuis va G.Bekker inson kapitalini rivojlantirishning ilmiy nazariyalarini ilgari surishgan .
MDH mamlakatlari iqtisodchi olimlaridan Yu.G.Odegov, G.G.Rudenko, Yu.A.Korchagin, T.I.Zaslavskaya, G.V.Ridevskiy, M.S.Narkulov, V.G.Aseyev, B.Klegg, I.D. Ladanov va boshqalarning ilmiy asarlarida inson kapitalining ijtimoiy-iqtisodiy taraqqiyotdagi o'rni va ahamiyatiga doir masalalar xususida fikr yuritilgan .
O'zbekistonlik olimlardan akademiklar M.Sharifxo'jayev, S.G'ulomov, R.Ubaydullayeva, Q.Abduraxmonov, iqtisodiyot fanlari doktorlari, professor Sh.Zaynutdinov, N.Jumayev, X.Abulqosimovlar boshqaruv tizimida inson omilini faollashtirish va inson taraqqiyoti indeksini baholash, inson kapitalini rivojlantirishni tadqiq etish bilan shug‘ullanib kelishmoqdalar.
Korxonalar innovatsion faoliyatini boshqarishda inson kapitalini rivojlantirish yuzasidan olib borilgan tadqiqotlar iqtisodiyotni modernizatsiyalashtirish va boshqaruvni erkinlashtirish sharoitida yuqorida qayd etilgan boshqaruv tizimida inson omilini faollashtirishning ilmiy-amaliy asoslarini hamda inson omili faolligini baholashning mavjud uslubiy bazasi va mexanizmlarini takomillashtirish zaruratini keltirib chiqaradi. Bu esa tadqiqot ishining dolzarbligini oshirib, mazkur magistrlik dissertatsiya ishi doirasida tadqiq etishga ilmiy-amaliy jihatdan qiziqish uyg'otadi.
Tadqiqotning usullari. Tadqiqot ishida mantiqiy, tizimli tahlil, statistik-iqtisodiy va qiyosiy tahlil, iqtisodiy-matematik modellashtirish, taqqoslama va tarkibiy tahlil hamda qator boshqa usullardan foydalanilgan.
Tadqiqot natijalarining nazariy va amaliy ahamiyati.
Asosiy xulosa va natijalar hududiy Dasturlar ishlab chiqilishiga hamda incon kapitali jamiyatning acociy qadpiyati va iktisodiy muhim omili ekanligini hisobga olib “Inson taraqqiyoti Dastur”larini amalga oshirilishiga ko‘maklashadi, yangi ish o‘rinlari yaratish, shu orqali aholi daromadlarini oshirish imkoniyatlarini kengaytiradi. Tadqiqot natijalarining amaliy ahamiyati ulardan mamlakatimiz boshqaruv tizimida inson omilini faollashtirish va inson taraqqiyoti indeksini baholashga qaratilgan davlat dasturlarini ishlab chiqishda va inson omilini yanada rivojlantirishga bo'yicha qabul qilinayotgan huquqiy-me'yoriy hujjatlarni va kompleks chora-tadbirlar majmuini ishlab chiqishda foydalanish mumkinligi bilan izohlanadi.
Shuningdek, ilmiy ishdagi ayrim tavsiyalardan iqtisodiyot yo‘nalishidagi oliy o‘quv yurtlarida talabalarga “Inson resurslarini boshqarish”, “Mehnat iqtisodiyoti”, “Korxonalarda boshqaruv faoliyati” kabi fanlarni o‘qitishda, o‘quv dasturlari, o‘quv qo‘llanmalari va darsliklar tayyorlashda ilmiy manba sifatida foydalaniladi.
Dissertatsiyaning tuzilishi va xajmi. Dissertatsiya kirish, uchta bob, xulosa, foydalanilgan adabiyotlar ro‘yxatidan va ilovalardan iborat. Uning asosiy mazmuni _______ betda bayon etilgan.
Do'stlaringiz bilan baham: |
