1-amaliy mashg’ulot hujayra va to’qima kulturasini olish usullarini o’zlashtirish Hujayra va to‘qimalar kulturasi

Anaerob mikroorganizmlarni o‘stirish usullari
Anaeroblar oddiy yoki maxsus probirkalarda, naychalarda, Petri likopchalaridagi ozuq muhitida kislorodsiz o‘stiriladi. Muhitga ko‘p miqdorda kultura qo‘shilsa va atrof-muhit atmosferasida birmuncha uglerod dioksid bo‘lsa, anaeroblar aktiv o‘sadi.
Fizik, kimyoviy, biologik va aralash (kombinirlangan) usullarda anaerob sharoit yaratish mumkin.
Fizik usullar. Kulturani bevosita ekishdan oldin probirkalarni qaynatish yoki isitish yo‘li bilan (qaynayotgan suv hammomida 15-20 minut qaynatib, sovuq suv oqimida tezda sovitish yo‘li bilan) quyuq yoki suyuq ozuq muhitidagi kislorod yo‘qitiladi. Kulturani ekib bo‘lgandan keyin qalin ozuq muhiti qatlami ustiga vazelin moyi bilan parafinning sterillangan aralashmasi quyiladi.
Anaeroblar Petri likopchasidagi yoki probirkalardagi ozuqli agarda o‘stirilgan idishlar anaerostatlarga quyiladi. Anaerostatlar metall yoki shishadan yasalgan vakuum eksikatorlar bo‘lgan, ularda anaeroblar normal o‘sadi.
Kimyoviy usullar. Anaeroblar o‘stiriladigan muhit yoki idishdagi erkin kislorodning bog‘lanish uchun kimyoviy moddalardan foydalaniladi. Ularning ayrimlari muhitdan tashqarida bo‘ladi, boshqalari esa qaytaruvchi sifatida bevosita muhitga qo‘shiladi. Pirogallolning Na CO li eritmasi, natriy gidrosulfat (ditionit) ning ishqoriy eritmasi, metall, temir va boshqa reaktivlar kislorodni kimyoviy yutuvchilar (o‘zlashtiruvchilardir).Kislorodni bog‘lab oluvchi moddalarning o‘zlashtirish xossasi yuqori bo‘lishi kerak. Masalan, 1ml 20% li pirogallol Na CO ning to‘yingan eritmasi bilan aralashgan holda 220 sm havoni kisloroddan tozalaydi.
Biologik usullar. Ba’zi anaeroblarni kislorodd mavjud sharoitda aeroblar bilan birga o‘stirish mumkin. Buning uchun zich berk idishga aerob kultura ekilgan 10-15 ta va anaerob kultura ekilgan bitta probirka joylanadi. Aerob mikroorganizmlar kislorodni jadal o‘zlashtirib, CO2 ajratadi va shu bilan anaeroblarning o‘sishi uchun sharoit yaratadi. Aeroblarni o‘sayotgan hujayralari kislorodni batamom o‘zlashtirib bo‘lgandan keyingina anaeroblar o‘sa boshlaydi.