1 – мавзу: инвестицияларнинг иқтисодий мазмуни, моҳияти ва инвестиция жараёнларининг асосий босқичлари

Лойиҳа смета қийматининг ошиш рискига қуйидагилар сабаб бўлиши мумкин: лойиҳалаш жараёнидаги хатолар, пудратчиларнинг ресурслардан самарали фойдаланишни таъминлай олмаслиги, лойиҳани амалга ошириш шартларини ўзгариши ва бошқ.
Қурилишни ўз вақтида тугалланмаслик рискига қуйидагилар таъсир кўрсатади: пудратчиларнинг ўз мажбуриятларини бажармасликлари; ташқи шарт-шароитларнинг ўзгариши, қурилиш ишлари муддатининг чўзилиб кетиши натижасида қўшимча харажатлар келиб чиқиши: кредит бўйича фоизларни ҳисоблаш, нархларнинг инфляция натижасида ўсиши оқибатида иш ва материал қийматининг ошиши каби қўшимча харажатларни келтириб чиқаради. Бундан ташқари, бу риск натижасида келгусидаги объектга хом ашё етказиб берувчилар билан ва келгусидаги лойиҳа маҳсулоти истеъмолчилари билан шартномавий муносабатлар тўхташи мумкин. Иш ва объект сифатининг пастлиги риски пудратчилар мажбуриятининг бузилиши, лойихалаштиришдаги хатолар ва бошқалар натижасида келиб чиқиши мумкин. Объект сифатининг пастлиги натижасида лойиҳа бўйича қўшимча инвестицион ҳаражатлар қилиниши керак бўлади.
Конструкцион ва технологик риск. Конструкцион риск – бу инвестиция фазасидаёқ лойиҳанинг техник амалга ошмаслик рискидир. Бу лойиҳа ҳужжатларини ишлаб чиқувчиларнинг хатолари, бу ҳужжатларни ишлаб чиқишда зарур бўлган маълумотларни етарли ёки аниқ емаслиги натижасида рўй бериши мумкин. Технологик риск – бу ишлаб чиқариш технологияларининг саноат даражасида қўлланилмаслиги натижасида маълум техник-иқтисодий параметрлардан объект эксплуатациясидаги чекланишлар риски.
Ишлаб чиқариш риски - бу ишлаб чиқариш жараёнида камчиликларни юзага келиш риски. Бу ишлаб чиқариш давомийлигининг бузилишида, объектнинг лойиҳавий қувватга эришмаслигида, қўшимча ишлаб чиқариш харажатларида намоён бўлади. Ишлаб чиқариш рискининг бир тури бу технологик рискдир. Бу рисклар таъминотдаги узилишлар, ресурс заҳираларининг етишмаслиги, хом ашё сифатининг пастлиги, транспорт масалалари ва бошқалар сабаб келиб чиқади.