1 – Амалий машғулот. Нефтни қайта ишлаш ва яримфабрикатларни тозалаш

аралаштирилади, эритгич номаъқул аралашмаларни эритади ва уларни 
мойдан ажаратади. 
Селектив тозалаш анча юқори сифатли мой олиш имконини беради. 
Контакт усулида мой аралашмалардан оқловчи мой цеолитлар 
ёрдамида тозаланади. Номаъқул аралашмалар адсорбентлар юзасига 
адсорбияланади ва мой таркибидан чиқаришади. 
Юқори сифатли мойларни ишлаб чиқаришда мой нисбатан юқори 
ҳароратда кристалланадиган углеводородлардан ҳам тозаланади. 
Тозаланган мойлар базавий мой деб аталади. Базавий мойларга 
прасадкалар қўшиб товар мойлари олишади. Присадкалар мой хоссаларини 
яхшилайди, ишқаланадиган узеллар ейилишини камайтиради, мойнинг хизмат 
муддатини 3...5 марта орттиради, мой сарфини камайтиради. Қовушқоқли, 
депроссорли, оксидланишга қарши, коррозияга қарши, кўпиришга қарши, 
тирналишга қарши ва ювувчи присадкалар мавжуд. Базавий мойга 5...10% гача 
присадкалар киритишади. 

---

51 
Оксидланишга қарши присадкалар мойларга уларнинг кимёвий 
стабиллигини ошириш учун қўшилади. Присадкаларнинг молекулалари 
оксидланишнинг занжир реакцияларини узишади. 
Коррозияга қарши присадкалар металл сиртида ҳимояловчи 
мономолекуляр ҳосил қилади. Бу қатлам металлга кислотали ва бошқа фаол 
агентларнинг таъсирига тўсиқлик қилади. 
Депрессорли присадкалар мой таркибига кирган қийин эрийдиган 
углеродлар ҳосил қилган кристалли каркасни парчалаш йўли билан мой қотиши 
ҳароратини пасайтиришади. 
Қовушқоқли присадкалар юқори ҳароратларда камқовушқоқли 
мойларнинг қовушқоқлигини оширади ва паст ҳароратларда қовушқоқликка 
деярли таъсир қилмайди. 
Ейилишга қарши ва тирналишга қарши присадкалар мойнинг 
мойловчи хоссасини оширади, присадкадаги актив гуруҳларнинг металл билан 
кимёвий ўзаро таъсири натижасида металл сиртида мустаҳкам чегаравий 
қатлам ҳосил қилади.