0 ‘ т к I r h o s h I m o V

О ‘tkir Hoshimov
chuqur his etdiki, ko‘ksining chap burchi sanchib ketgandek 
bo‘ldi. Qiziq, avval ham xizmat taqozosi bilan uzoq safar- 
larda ko‘p bo‘lgan. Lekin qizalog‘ini hech qachon bunchalik 
sog‘inmagan edi. „Olya nima qilayottan ekan?“ Shu paytga- 
cha xayoliga kelishi bilan haydab solishsh uringan ko‘ngil- 
siz xotirot to‘satdan butun tafsiloti bilan yopirilib kedi.
Olga „boshqa tug‘mayman“, deganiga qaramay, tag‘in 
bir marta bo‘yida bo‘lib qoldi. (Er-xotin harchand ehtiyoti- 
ni qilishsa ham.) 0 ‘shanda Natashenka, chamasi, uch yosh- 
larda edi... Koryaginning o‘ziga qolsa Olenkaning tug‘ishini 
xohlardi. (Balki, o‘g‘il bo‘lar... Har qanday erkakning ko‘ng- 
lida o‘g‘il ko‘rishdek egoistik orzu bo‘ladi.) Bir kuni kecha- 
si (esida, qahraton qish edi), Natashenka uxlagach, er-xotin 
yotishganida Koryagin „yana bitta tug‘sang hech nima qil- 
maydi“, degan ma’noda gapirdi. Olga talay fursat jim yot- 
di-da, to‘satdan ,,yorildi“. „Vasiliy, - dedi bosiqlik bilan. -
Sen halol odamsan. Shuning uchun aldashni xohlamayman. 
Esingdami, birovni sevib qolsam, sendan yashirmayman, de- 
gandim... Shundoq bo‘lib qoldi. - Javob kutgandek bir lah- 
za jimib qoldi. Eridan sado chiqmagach, chuqur so‘lish oldi. 
Dona-dona qilib tushuntirdi. - Endi, bildimki, u sevishga ar- 
zimas ekan!.. Xotiijam bo‘l, ertaga abortga boraman“.
Koryagin ro‘y bergan voqeaning butun dahshatini endi 
tushunib yetgandek, sapchib turdi. „Demak, sen... sen... -
dedi entikib. - Ayt! Kim o‘sha iblis!?“ ,,Bo‘kirma, Nata- 
shenkani qo‘rqitib yuborasan. - Olga nihoyatda xotirjam al- 
pozda dashnom berdi. - Qiziq odamsan, Vasya, - dedi deyarli 
erkalab. - Xo‘sh, o‘sha ,,iblis“ kimligini aytsam, qo‘lingdan 
nima kelardi? Duelga chaqirasanmi? Yo borib so‘yib kelasan- 
mi? - Yana chuqur so‘lish oldi. - 0 ‘zim ahmoqman! - dedi 
o‘kinch bilan. - Vijdonim oldida pok bo‘lay deb... - ovozida 
qat’iyat bilan ta’kidladi. - Xotiring jam bo‘lsin! Endi buna- 
qa ,,ish“ takrorlanmaydi... Ajrashamiz desang, hoziroq raz- 
vod beraman. Axir, biz zamonaviy odamlarmiz-ku, Vasiliy...

---