“ пул ва банклар

 
ФРС мустақил бўлиши керакми 
Кўриб турганимиздек, ФРТ – АҚШдаги кўпроқ даражада мустақил 
бўлган давлат идораларидан биттаси. Айрим вақтларда Конгрессда унинг 
мустақиллик даражасини пасайтириш керакми, деган масала юзасидан 

---

муҳокамалар бўлади. ФРТ нинг ўзини тутишини оқламайдиган давлат 
арбоблари одатда унинг фаолиятини назорат остига олишни таклиф қилади. 
Саволлар юзага келади: “ФРТ мустақил бўлиши керакми? Эҳтимол, 
президент ёки Конгресс бошқаруви остидаги марказий банк мавжуд бўлгани 
яхшимикан?” 
Мустақиллик фойдасига далиллар 
ФРТ мустақиллигининг ҳимоясига энг муҳим бўлган далиллардан бири 
– агарда у сиёсий босимга бўйсунадиган бўлса, бу инфлясион монетар 
сиёсатга олиб келиши борасидаги далил. Кўплаб аналитикларнинг фикрича, 
демократик жамиятдаги сиёсатчилар одатда узоқни кўзламайдилар, чунки 
уларнинг асосий истаги - яқин орадаги сайловларда ғолиб чиқиш. Улар узоқ 
муддатли тенденциялар борасида қайғурмайдилар, улар муаммонинг 
эчимини қисқа муддатли давр мобайнида кўрадилар. 
Юқорида баён этилган далилларнинг варианти – АҚШдаги сиёсий 
жараён ишбилармонлик фаоллигининг сиёсий сиклини юзага келтиришини 
тасдиқлаш:
 
бевосита сайловдан олдин экспансион сиёсат ўтказилиб, унинг 
асосий мақсади ишсизлик ва фоиз ставкаларини пасайтириш.Сайловдан 
кейин ушбу сиёсатнинг салбий натижалари юзага келади – бу юқори 
Инфлация ва юқори фоиз ставкалари, бу эса ўз ўрнида қатъий монетар 
сиёсатнинг зарурлигига олиб келади. Ҳукумат аҳоли ушбу кўнгилсиз даврни 
кейинги сайловгача эсидан чиқаришига умид қилади. ФРТнинг президентга 
бўйсуниши яна шуниси билан ҳавфлики, унинг пул маблағлари Ғазначилик 
томонидан ғазна облигацияларини сотиб олиш йўли билан бюджетнинг 
каттагина 
дефицитини 
молиялаш 
амалга 
оширилиши 
мумкин. 
Ғазначиликнинг ФРТга босими Инфлациянинг кескин сакрашига олиб 
келиши мумкин. Мустақил бўлган ФРТ эса Ғазначиликнинг босимига 
қаршилик қила олади. 
Мустақиллик ҳимоясига яна битта далил шундан иборатки, монетар 
сиёсатни назорат қилиш сиёсатчилар учун ниҳоятда мукаммал вазифа бўлиб, 
улар бир нечта марта мукаммал ва муҳим масалаларни эча олмаслик 
қобилиятини намойиш қилган эдилар.