Ушбу методик қўлланмада битирув малакавий ишларни бажариш бўйича тавсиялар берилган бўлиб, бундан тату барча таълим йўналиши талабалари фойдаланиши мумкин

ЎЗБЕКИСТОН РЕСПУБЛИКАСИ АХБОРОТ ТЕХНОЛОГИЯЛАРИ ВА КОММУНИКАЦИЯЛАРИНИ РИВОЖЛАНТИРИШ ВАЗИРЛИГИ

МУҲАММАД АЛ-ХОРАЗМИЙ НОМИДАГИ

ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ

Дастурий инжиниринг факультети
Алгоритмлаш ва математик моделлаштириш кафедраси

БИТИРУВ МАЛАКАВИЙ ИШНИ
БАЖАРИШ ВА ҲИМОЯ ҚИЛИШ
БЎЙИЧА
МЕТОДИК КЎРСАТМАЛАР
Тошкент - 2022

Ушбу методик қўлланмада битирув малакавий ишларни бажариш бўйича тавсиялар берилган бўлиб, бундан ТАТУ барча таълим йўналиши талабалари фойдаланиши мумкин.
Тузувчи: PhD, доцент А.М.Турғунов

Мундарижа

Кириш	4
1. Битирув малакавий ишига қўйиладиган талаблар	4
2. Битирув малакавий иши мавзусини тасдиқлаш тартиби	5
3. Битирув малакавий ишига илмий раҳбарлик ва маслаҳатчилик	6
4. Битирув малакавий ишини ёзиш ва расмийлаштириш	7
5. Битирув малакавий ишининг ҳимояси	11
6. Баҳолаш меъзони	13
Фойдаланилган адабиётлар	21
1-илова. Битирув малакавий иш мавзусини тасдиқлаш ҳақидаги талабанинг аризаси	15-16
2-илова. БМИни бажаришнинг календар режаси
3-илова. Илмий раҳбар тақризи	17
4-илова. Битирув малакавий ишларни илмий раҳбар ва талабанинг Ўзини-Ўзи баҳолаш мезони	18
5-илова. Рецензент тақризи	20

КИРИШ

Битирув малакавий ишни бажариш - олий таьлим муассаси бакалавриатида талабаларни ўқитишнинг якуний босқичи бўлиб, Ўзбекистон Республикаси Давлат атестатсия комиссияси ҳақидаги Низомга кўра битирув малакавий ишни ҳимоя қилиш Давлат Аттестатсия Комиссиясининг ажралмас қисми ҳисобланади.

Малакавий ишни бажариш мақсади таълим бўйича назарий ва амалий билимларни мустаҳкамлаш ва кенгайтириш, олинган билимларни муайян илмий, техникавий, ишлаб чиқариш, иқтисодий, ижтимоий, маданий вазифаларни ҳал этишда қўллаш; ижодий ишлаш, ишлаб чиқилаётган масаланинг (муаммонинг) қўйилиш жараёнидан бошлаб, уни тўла ниҳоясига етказиш бўйича қарор қабул қилишда бўлган масъулиятни ҳис этишга; ўргатиш; замонавий ишлаб чиқариш, иқтисодиёт, техника ва маданиятнинг, ахборот технологияларининг ривожланиши шароитида талабаларни мустақил ишлашга тайёргарлигини та'минлаш;
Бажарилган ишнинг натижалари сифатида тадқиқотда олинган билимларни системалаштириш, таҳлил қилиш, янги натижалар ва қонуниятиарни шакллантириш тажрибасини эгаллаш;
Талабаларнинг касбий фаолиятга тайёргарлик даражасини аниқлашдан иборат.
Битирув маиакавий иш талаба томонидан мутахассислик фанларидан олган назарий билимлар ва тадқиқий, амалий кўникмалари негизида бажарилади.
Ушбу методик қўлланмада битирув малаквий ишларга бўлган умумий талаблар, битирув малакавий ишга раҳбарлик, маслаҳатчилик қилиш, битирув малакавий ишни бажариш, расмийлаштириш, битирув малакавий ишни ҳимоя қилиш бўйича тавсиялар берилган. Шунингдек, битирув малакавий ишни баҳолашнинг умумий мезонлари берилган.
Илова қисмида БМИни расмийлаштириш ҳақида тавсиялар келтирилган.