Ушбу методик қўлланмада битирув малакавий ишларни бажариш бўйича тавсиялар берилган бўлиб, бундан тату барча таълим йўналиши талабалари фойдаланиши мумкин

4.5. БМИни расмийлаштириш қоидалари

4.5.1. Умумий қоидалар

Битирув малакавий иш А4 (296х210 мм) форматдаги қоғозда ёзилади. Қоғознинг чап томонидан - 35 мм, Ўнг томонидан - камида 10 мм, юқори ва пастдан - камида 20 мм, бетдаги белгилар сони тахминан 2000 га яқин бўлиши керак. Матн форматланган бўлиши керак. 14 кегл шрифти тавсия қилинади. Принтер шрифти аниқ ва қора рангда болиши лозим. Ишнинг барча матнида абзатс бир хил олчамда бўлиши керак. Бобнинг номи билан кейинги матн орасидаги масофа 3 интервалга тенг бўлиши лозим. Шундай масофа параграфлар билан матн орасида ҳам сақланиши лозим. Ҳар бир боб янги бетдан бошланади; бу қоида ишнинг бошқа асосий структуравий қисмларига (Кириш, хулоса, адабиётлар ройхати, иловалар ва бошқ.) ҳам тааллуқли. Кириш, асосий боблар ва хулосалар иш ҳажмида (чегарасида) номерланади, параграфлар боб ҳажмида, пунктиар эса параграф ҳажмида номерланади.
Барча хатолар ва сўзларнинг ёзилишидаги камчиликлар тўғриланиши шарт.
Битирув малакавий ишнинг барча бетлари кетма-кет номерланган бўлиши лозим. Биринчи бет сарварақдан иборат бўлиб, у номерланмайди.
Сарварақ ўрнатилган тартибда (6-илова) расмийлаштирилади. Агар маслаҳатчи буйруқ бўйича расмийлаштирилган бўлса, у ҳолда унинг ф.и.ш. сарварақда ёзилади.
Сарварақдан сўнг мундарижа (бет номерлари кўрсатилган) жойлаштирилади. Мундарижа ўрнатилган тартибда (7-илова) расмийлаштирилади.
Ишнинг сўнги бети талаба томонидан имзоланади ва ишни ёзиб тугатган сана қойилади.
Битирув малакавий иш муқоваланган бўлиши лозим.

4.5.2. Ҳарфий аббревиатураларни (қисқартмаларни) ёзиш тартиби

БМИ матнида умум қабул қилинган ҳарфий қисқартмалардан ташқари муаллиф томонидан киритиладиган ҳарфий қисқартмалар ҳам фойдаланилади. Ҳарфий қисқартмалар маълум билим соҳасидаги бирор тушунчани қисқача тушунтиришга, белгилашга хизмат қилади. Одатда, бундай қисқартмалар дастлаб тўлиқ ёзгандан сўнг қавс ичида келтирилади ва келгусида қисқа шаклда фойдаланилаверади. Масалан: академик лицей ва техникумлари (АЛ ва Техникум).