Режа: Ҳайвонларни қайта ишлаш корхоналари ва уларни турлари

2.Мавзу: Сўйиладиган ҳайвонларни дастлабки қайта ишлайдиган корхоналар ва уларга бўлган ветеринария –санитария талаблар


Режа:


1.Ҳайвонларни қайта ишлаш корхоналари ва уларни турлари
2.Гўшт корхонаси, қушхона ва сўйиш пунктлари тўғрисида умумий тушунча.
3.Хайвонлар махсулотларини дастлабки қайта ишлайдиган корхоналарга нисбатан санитария гигиеник талаблар.

1.Хайвонларни қайта ишлаш корхоналари ва уларни турлари:

Қишлоқ хўжалиги хайвонларини ва паррандаларни сўйиш ва уларни қайта ишлаш турлича қувватга эга бўлган корхоналарда амалга оширилади

Бундай корхоналар фақат саноат типидаги корхоналар эмас, балки ветеринария-санитария корхоналари деб аташ ҳам мумкин. Бундай корхоналарда, қайта ишлаш жараёнида замонавий техникалар ва янги технологияларни тадбиқ этиши ҳисобидан, ҳамда малакали мутахассислар ёрдамида сўйилган хайвонлардан олинган махсулотларни тўлиқ қайта ишлашга эришилади.
Қишлоқ хўжалиги хайвонлари ва паррандаларни бундай корхоналардан ташқарида суйиш халқ хўжалигига катта иқтисодий зарар келтиради, яъни суйишдан кейинги купгина махсулотлар ишлатилмай қолади (қон, ичак, суяк ва бошқалар), фақатгина гўшт, терини олиш натижасида 50-60 % махсулот олинади. Бундан ташқари танани нотуғри нимталаш хам гўштнинг нави, товарлилигини пасайишига олиб келади.
Қайта ишлаш корхоналарига қўйидаги талаблар қўйилади.
1.Одамлар учун юқори сифатли озиқ-овқат маҳсулотлари ишлаб чиқиш ва енгил саноат учун хом ашё бериш.
2.Гўшт ва гўшт махсулотлари ва хом ашё орқали одамларга ўтадиган ҳайвонот касалликларини олдини олиш.
3.Хайвонларни қайта ишлашда юқумли ва инвазион касалликларни тарқалишига йул қуймаслик.
4.Корхоналарда чиқадиган чиқиндилар билан сувни, тупроқни ва хавони ифлосланишига йўл қуймаслик.

Юқорида санаб ўтилган талабларни тўлиқ бажарилишишига эришиш учун қўйидагиларга тўлиқ амал қилиш керак.
-корхонани сақлаш ва ишлатиш қоидаларини тўлиқ бажариш
-сўйишга олиб келинган хайвонларни тўлиқ назорат қилиш
-сўйишдан кейинги махсулотлар учун аниқ ветеринария санитария экспертизаси ишларини йўлга қуйиш.
Молларни қайта ишлаш корхоналари лойихаларини тайёрлашда, уларни қайга қурилиши катта ахамиятга эга.
Иқтисодий хисоб китобларга кўра қайта ишлаш корхоналарини чорвачилик туманларида қурилиши юқори самарадорликка эришишни таъминлайди.
Бунда хом ашё базаси (бурдоқичилик фермалари ва хўжаликлар) билан корхона ўртасидаги масофа 150 кмгача бўлиши мақсадга мувофиқ бўлади.