Сувни натрий катионитли фильтрлар ёрдамида юмшатиш

Сувни натрий катионитли фильтрлар ёрдамида юмшатиш.
Сув тозалаш қурилмаларида ишлатиладиган натрий катионитли фильтрлар биринчи (Na₁) ва иккинчи (Na₂) поғонали бўлади. Биринчи поҳонали фильтрларда фильтрловчи материал сифатида асосан сульфокўмир, КУ-1 каби кучсиз кислотали, иккинчи поҳонали фильтрларда эса КУ-2, Вафатит, Эмберлайт IRA-400 каби кучли кислотали катионитлар ишлатилади. Сув тозалаш соҳасида сувни натрий катионитлар ёрдамида юмшатиш, сувни натрий катионитлаш деб, юмшатилган сувни эса натрий катионитли сув деб аталади.
Сув натрий катионитли фильтрлардан ўтиш жараёнида ундаги Са²⁺ ва Mg²⁺ катионларининг катионитга ютилиши яни таркибидаги натрий катиони билан алмашиниши қуйидаги реакциялар натижасида содир бўлади:
2RINa+Ca²⁺= R₂ ICa⁺+2Na⁺
2RINa+Mg²⁺=R₂ IMg+2 Na⁺
Агар бу катионлар табиий сувларда CaCl₂, Ca(HCO₃)₂, MgCl₂, Mg(HCO₃)₂ каби сувда яхши эрийдиган тузлар ҳолатида бўлиши сабабли, катионитларда катион алмашиш жараёни молекуляр ҳолатда қуйидагича ёзилади:
2RINa+CaCl₂= R₂ICa + 2 NaCl
2RINa+Ca(HCO₃)₂= R₂ICa+2 NaHCO₃
2RINa+MgCl₂= R₂IMg + 2 NaCl
2RINa+Mg(HCO₃)₂=R₂IMg+ 2NaHCO₃
Сувни натрий катионитлаш натижасида унинг умумий қаттиқлиги ҳар литрида 5-10 мкг–экв.гача пасайиб, туз миқдори ва натрийли ишқорийлиги бироз ошади. Таркибидаги анионлар миқдори эса ўзгармайди. Туз миқдори ошишига сабаб, юқоридаги реакциялардан кўринадики катион алмашиш натижасида сувдаги ҳар бир Са²⁺ ёки Мg²⁺ катиони, катионитдаги иккита катиони билан алмашиниб, натрий котионини катионитдан сувга ўтказади. Бошқача қилиб айтганда, сувдаги 20,04 ва 12,16 оғирлик қисмдаги Са²⁺ ва Mg²⁺ катионлари, катионитдаги 23 оғирлик қисмдаги Na катионлар билан алмашади. Бу ерда 20,04, 12,16 ва 23 кальций, магний ва натрий катионларининг эквивалент оҳирлиги. Яъни сувдаги 20,04 ёки 12,16 оғирлик қисмдаги кальций ва магний бирикмалари ўрнига 23^.2=46 оғирлик қисмдаги натрий бирикмалари алмашади.
Сувнинг натрийли ишқорийлиги ошиши эса қуйидаги сабабларга кўра содир бўлади.