Режа: Ҳайвонларни қайта ишлаш корхоналари ва уларни турлари

ҚУШХОНАЛАР

Қушхоналар бир қаватли гўштни қайта ишлайдиган корхоналар бўлиб, кичик шахарчаларда, туман марказларида ва кичик ахоли яшайдиган қурғонларда ташкил қилинади. Улар ахолини ветеринария-санитария экспертизасидан ўтказилган соғлом хамда сифатли гўшт ва гўшт махсулотлари билан таъминлаб туриш мақсадида қурилади. Қушхоналарда асосан молларни бирламчи қайта ишлаш ишлари амалга оширилади. Натижада қуйидаги озиқ-овқат махсулотлари олинади яъни: гўшт, ёғ, калла-поча, тери, қон ва ичак маҳсулотлари.
Хар хил касалликларни олдини олиш мақсадида қушхона майдони баланд девор билан уралади. Қушхона майдонини катта қисмида молларни вақтинча сақлаш учун бино ва очиқ жой бўлади, ҳамда карантин ҳовлиси, шу ховлида изолятор ва санитария бўлими жойлашади.

Қушхонада қуйидаги бўлимлар бўлади:

-сўйиш ва майдалаш
-ичак бўлими
-териларни тузлаш бўлими
-гўштни сақлаш
-ёғ ва калла поча бўлими

Юқорида айтилган бўлимлардан ташқари хар бир қушхонада гўшт ва бошқа махсулотларни сақлаш учун мазлаткичлар (холодильник), қонни йиғиш учун алохида бино, хамда ветеринария текшириш хонаси бўлади.
Шу билан биргаликда, яроқсиз махсулотларни куйдириш учун алохида куйдириш цехи бўлиб, бу цех ишлаб чиқариш цехларидан анча узоқликда бўлиши лозим. Молларни истеъмол учун яроқсиз тана ва ички органлари: эмбриони, талоғи ва жинсий органлари, шу цехга юборилади. Қушхоналарда суйилган йирик молларни танаси ҳамда терисини қайта ишлаш учун чиғириқ ёки электромотор, қуй эчкиларни қонсизлантириш учун юзаси ботиқ столлар, молларни осиш учун ва тана ҳамда айрим органларни ветеринария-санитария экспертизасига тайёрлаш учун махсус илмоқлар бўлади.
Қушхоналарда йирик молларни танасини бир жойдан иккинчи жойга кучириш учун рельсли осма йўллар, зангламайдиган рух тунукалар қопланган столлар, консервацияланган ичак, чала тайёр махсулотларни сақлаш учун махсус яшиклар, ёғ эритиладиган қозонлар, қайноқ сув солинадиган катта тоғоралар билан жихозланади.
Агар касал моллар сўйиладиган бўлса, улар соғлом моллардан кейин суйилади, сунгра цехлар тўлиқ тозалани зарарсизлантирилади (хлорли эритма билан). Цехлар 3,5 м баландроқ қурили, ифлос сувлар чиқиб кетиши учун поли сув оқадиган томонга 1,5 ⁰ нишот қилиб ишланади. Оқова сувлар хам зарарсизлантирилади.
СЎЙИШ ПУНКТЛАРИ

Сўйиш пунктлари, гўшт корхоналари ва қушхоналардан ўзоқ бўлган кичик туман марказлари, аҳоли пунктлари ва чорвачилик хўжаликларида қурилади. Сўйиш пунктлари хам гўшт корхоналари каби тўлиқ санитария талабларига жавоб берадиган қилиб қурилади.

Сўйиш пунктларида молларни сақлайдиган жой (база), изолятор, молларни суядиган ва танасини нимталайдиган, ичак ва терини тузлайдиган бўлимлар бўлади. Шу билан биргаликда шартли яроқли гўштни зарарсизлантирадиган хона қурилади.
Суйилган ҳайвонларни осиб қўйиш; терисини шилиб олиш ва ички органларини чиқариб олиш учун сўйиш бўлимига чиғириқ урнатилади.
Тайёр гўштни ва бошқа махсулотларни вақтинча сақлаш учун холодильник ҳам бўлади. Бундан ташқари ишчилар кийинадиган ва ветеринария врачлари учун алохида хоналар бўлади.
Суйиш пунктлари сувни умумий сув йулидан ёки алохида артезан қудуқларидан олади. Сув қорамол учун – 60 литр, чўчқа учун 20 л, қўл ва эчкилар учун 10 литр сарф қилинади.